Удмуртиысь писательёс ар ӵоже ужамзылы йылпумъянъёс лэсьтӥзы

Удмурт Дунне
By Удмурт Дунне 29 марта, 2017 17:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ёросъёсын поэтической слэмъёсты ортчытъян сяме пыӵаз.

Кыӵе сюресъя вамышъя литература? Кыӵе ужпумъёс сыло писательёслэн огазеяськонзы азьын? Кин утёз улонысь кошкем гожъясьёслэсь архивъёссэс? Писательёслэн огазеяськонзылэн ар ӵоже ужамезлы сӥзем пумиськон бугырес ортчиз.

Писатель шӧдэ вакытэз

Писательёслэн произведениоссы — со улонлэн синучконэз. Кылбуръёс, веросъёс пыр шӧдӥське улонлэн шокамез, произведениосты лыдӟыса, адями ассэ но улонэз валаны тырше, малпаське.  Совето вакытъёсы писательлэн ужез вылӥ дунъяськиз. Произведениослы кун заказ вал. Та шоры пӧртэм сямен учкыны луоз, но ӵапак со вакытэ удмурт классикае пыризы Г. Красильниковлэн, Ф. Васильевлэн, Р. Валишинлэн, В. Романовлэн но трос мукет гожъясьёслэн произведениоссы.

1990-тӥ аръёсы югдур чутрак воштӥськиз. Табере гожъясько эрико, кинлэн кызьы мылыз потэ. Али гуртлы быдэ вань, вылды, кылбур гожъясьёс. Огласянь, та урод ӧвӧл, адями мылкыдзэ кисьтэ. Мукет ласянь, луэ-а со гожъямъёсты зэмос литература шуыны? Ма, котькуд мылкыд карись али, коньдонэз вань ке, книга поттыны быгатэ. Но ӵемысь со книгаос литературалы пичи но матын ӧвӧл.

— Вотэсын сомында кылбурасьёс, нош зэмос талантъёс палэнэ кылё, — аслаз докладаз пусйиз шаерысьтымы Писательёслэн огазеяськонэнызы кивалтӥсь Пётр Захаров. — Ар ӵоже пӧртэм ёросъёсы вуылӥм, трос гожъясьёсын пумиськылӥм. Соос тетрадьёсын-тетрадьёсын сёто асьсэ чуръёссэс. Но чаклано ке, ваньзы сямен ик гожъясько одӥг кадь. Со ужъёс мукет вакытэ  кылемын кадь.

Пётр Захаровлэн верамезъя, ӵапак соин ик  чакламын вал шаерамы Москваысь специалистъёсты ӧтьыны. Озьы асьме гожъясьёслэсь творчествозэс зуркалтыны.

Дорамы вуылӥзы Санкт-Петербургысь, Москваысь, Пермьысь, пӧртэм кунъёсысь нимо-дано поэтъёс, писательёс. Пётр Захаров нимысьтыз пусйиз нылпи кылбуръёсты кылысь кылэ берыкъясь егитъёслэсь нырысетӥ калыккуспо фестивальзэс. Ижын со кылем арын радъямын вал. Фестивальлэн ужаз пӧртэм фин-угор улосъёсысь кылбурчиос пыриськизы. Жаль,  Удмуртиысь гожъясьёс сокем трос ӧй вал. Малы?

— Писательёслэн огазеяськонзылэн ужрадъёсыз сярысь Интернетын ялан ивортӥськом. Со — ваньмылэн асьмелэн, союзэ пырисьёслэн, ужрадъёсмы. Но малы ке уноез шып пуко. Со дыре ик котькуд писатель со пумиськонъёсысь аслыз маке тунсыкозэ тодыны, шедьтыны быгатэ ук. Кылсярысь, егитъёслы радъям фестивале вуылӥзы прозаик но сценарист Денис Осокин, фин кылбурчи, эссеист но кылысь кылэ берыктӥсь Юкка Маллинен но трос мукетъёс.

Туннэ Удмуртиысь Писательёслэн огазеяськоназы пыре 121 адями.

Сяме пыӵазы ни кылбур слэмъёс (кылбурчиос, асьсэ чуръёссэс лыдӟыса, вожвылъясько). Сыӵе слэмъёс ортчизы Ижын, Пургалан, Алнашын…  Удмуртиысь писательёслэн огазеяськонзы бордын кылдытыны чакламын егит гожъясьёслэсь кенешсэс. Егитъёслы тросгес саклык висъян сярысь вераськон мынэ Россиысь писательёслэн огазеяськоназы но.

Ми асьмеос но визьмоесь!

Писательёслэн юанъёссы тырмыт люкаськиллям. Куд-огез пыкылӥз: малы егитъёсмес будэтон понна палэнысь специалистъёсты ӧтчанэз, асьмелэн ӟеч писательёсмы, поэтъёсмы ӧвӧл шат? Нылпи литературая фестивальын мастер-классъёс ортчытыны быгато ук асьме нылпи гожъясьёс но, пусйиз тодосчи Александр Шкляев. Уноез соин соглаш луизы.

Ужпум ӝутӥськиз Писательёслэн огазеяськонзылэн правлениез ужамъя но. Кин кыӵе удыс понна кыл кутэ, макем чырмыт ужало та адямос? Уноез писательёс кӧтӝожзэс веразы: малы ми огазеяськонлэн ужрадъёсыз сярысь тодытэк кылиськом, малы правление пырись писательёс гинэ но ӵемысь палэнэ кылё? Огазеяськонлэсь ужзэ рос-прос радъяны кулэ.

Мылкыдзэ кисьтытэк ӧз чида ӟуч кылбурчи Анна Верина:

— Ми воксё вунэтӥськом гожъяськисьёс азьын сылӥсь валтӥсь ужпум сярысь. Соин сэрен азьпал радэ потэ масскультура. Нош Александр Пушкин шуиз вал ай: литература азьын сылӥсь ужпум — адямилы ӟеч сямъёс пыӵатон. Жаль, али литература сюбегаз, со уродос оркестр кадь: котькуд музыкант нимаз висъетын пуке…

Туннэ Удмуртиысь Писательёслэн огазеяськоназы пыре 121 адями. Пӧлазы — совето вакытысь нимо-дано писательёс но, 1990-тӥ аръёсы литературае вамыштэмъёс но.

Мар луоз соосын азьланяз? Висъяськоз-а коньдон книга поттонлы? Кин утёз улонысь кошкись писательёслэсь архивъёссэс, библиотекаоссэс? Конференциын та но мукет юанъёслы валэктонъёс сётӥз Печатья но ивор вӧлмытонъя агентстволэн кивалтӥсез Алексей Воронцов. Со верамъя, Ижысь Пастухов ульчаысь 13 номеро юртын азьланяз луоз шаерысьтымы печатьлэн музеез. Отын ик луоз писательёсмылэн книгаоссылы сӥзем сэрег, книга вузанъя лавка но трос мукетыз.

Писательёслэн огазеяськонзылэн ар ӵоже ужамезлы оглом ӟеч дунъет сётэмын вал. Люкаськемъёс оскемзэс веразы: конференциын сётэм дэмланъёс уж вылын быдэсъяськозы, правление но чырмытгес ужалоз.

Елена Миннигараева

Туспуктэм: litsur.ru

Удмурт Дунне
By Удмурт Дунне 29 марта, 2017 17:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<