«Удмурт шаер» клублэн куноез — министрлэн воштӥсез Пётр Данилов

Удмурт Дунне
By Удмурт Дунне 29 марта, 2017 16:52

П. Данилов тодматэ удмуртъёслэн дӥськутэнызы.

26-тӥ южтолэзе 55 арессэ пусйиз Удмурт Республикаысь искусство удысысь дано ужась, культурая но туризмъя министрлэн воштӥсез Пётр Данилов.

Сое данъяса,  Национальной библиотекаысь «Удмурт шаер» клуб кичӧлтэмъя творческой пумиськон ортчиз. Пётр Павловичез ӟечкыланы Эшъяськон юртэ вуизы матысь эшъёсыз, тодосчиос, студентъёс, культура удысын ужасьёс.

Пётр Павлович 1994-тӥ арын кырӟаны кутскиз «Айкай» театрын. Нош 2002-тӥ арын, котьма ласянь быгатонлыксэ адӟыса, сое ансамблен кивалтӥсе пуктӥзы. Со коллективаз пыӵатӥз вашкала удмурт кырӟанъёсты улӟытон  сямез. Со пумысен вераськизы крезьгур удысысь тодосчиос Ирина Нуриева но Ирина Пчеловодова. «Айкайёс» Пётр Павловичлы кырӟазы, ужаз бадӟымесь азинсконъёс но вормонъёс сӥзизы.

Пётр Данилов 2014-тӥ арысен культурая но туризмъя министрлэн воштӥсез луэ. Со музйёслэн но библиотекаослэн ужамзы понна кыл кутэ, соослэсь секыт ужпумъёссэс сэрттыны-пертчыны юрттэ. Шаерысьтымы пӧртэм ёросъёсы потам сяна, Пётр Павлович палэнын улӥсьёс доры но — Татартстанэ но Башкортостанэ — ӵем гинэ вуылэ, пумиськонъёс но мукет ужрадъёс ортчытъя, «Удмурт Кенеш» огазеяськонэн эшъяське.

Пётр Павловичлы азьланяз вормонъёс сӥзьыса, вераськизы Кун Думаысь депутат Алексей Загребин, нациосын ужан политикая министр Лариса Буранова, «Удмурт Кенешлэн» тӧроез Татьяна Ишматова но трос мукетъёс.

Любовь Тихонова

 

Удмурт Дунне
By Удмурт Дунне 29 марта, 2017 16:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<