Школаын дышетскись пиналъёслэн 17-тӥ тол шудонъёссы ортчиз

Удмурт Дунне
By Удмурт Дунне 22 марта, 2017 09:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Котькуд командаын 11 пинал вал.

Эгра каргуртэ люкаськылӥзы ёросъёсысь но городъёсысь 34 командаос.

Куное лыктӥсьёсты Сундур котырын пумитазы Лӧпшо Педунь, солэн Боко но Моко юрттӥсьёсыз но «Ӟардон» ансамбль. Удмурт кырӟанъёсын, шудонъёсын но ческыт пӧраськемен паймытӥзы.

Котькуд командаын 11 пинал вал. Кызьы ивортӥз Эгра ёрос администрациысь мугор кыдатон культурая но спортъя ёзэн кивалтӥсь Николай Мерзляков, нылпиослэн тол ӵошатсконазы 2 амал пыриз: куасэн бызьылон но полиатлон. Кык нунал кужмо нюръяськемзы бере гурт школаос пӧлын котькинлэсь трос очко люказы но вормисе потӥзы Пичи Пурга, Балезино но Эгра ёросъёсысь командаос. Город школаос пӧлын висъяськизы Можгаысь, Ижысь Ленин ёросысь но Воткаысь командаос.

    Валентина Емельянова

Туспуктэм: igra.udmurt.ru

Удмурт Дунне
By Удмурт Дунне 22 марта, 2017 09:58