Шаерысьтымы партиос дасясько быръёнъёслы

Удмурт Дунне
By Удмурт Дунне Март 31, 2017 12:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Таяз рад — Удмуртиысь Кун Кенеше. Но солэсь азьвыл «Огъя Россия» партия праймериз ортчытоз — аслаз радъёсысьтыз тужгес кужмо, оскымон кандидатъёсты быръёз.

Шаерысьтымы парламентэ быръёнъёс ортчозы туэ 10-тӥ сентябре. «Огъя Россия» партилэн вань кандидатъёсыз нырысь ик праймериз пыр потоно луозы. Вожвылъяськонэ пыриськыны мылкыд карисьёс туннэ нуналлы 76 кузя луизы ни. Асьсэды эскерыны малпасьёс пӧлын республикаысьтымы  тодмо политикъёс, кивалтӥсьёс, депутатъёс. Кылсярысь,  Михаил Зайцев — Удмурт Республикаысь экономикая министр, Владимир Варламов, Энвиль Касимов, Светлана Кривилёва, Софья Широбокова — Кун Кенешысь ялан ужась комиссиослэн кивалтӥсьёссы, Галина Мерзлякова — УдГУ-лэн ректорез, Андрей Ураськин — Удмурт театрлэн директорез, Александр Волков — Удмурт Республикалэн азьвыл президентэз, Виктор Балакин — Ижкарлэн азьвыл мэрез,  Александр Плотников — Кизнер ёрос муниципал кылдытэтлэн йырыз  но трос мукетъёс.

Праймеризэ пыриськыны мылкыд карисьёс асьсэ куриськонъёссэс сётыны быгато 27-тӥ апрелёзь. Нош ачиз праймериз ортчоз 28-тӥ мае. Соку шаерамы ужалоз быръёнъёсъя 241 участок.

Праймеризэ пыриськисьёс асьсэ тодэмзэс-валамзэс возьматозы дебатъёсын. Валамон ини, калык пӧлы но ӵемгес потано луозы. «Огъя Россия» партилэн тужгес трос куара люкам кандидатъёсыз азьланяз вожвылъяськозы Кун Кенеше депутатэ шедён понна.

Пусйыны кулэ, туэ 10-тӥ сентябре Кун Кенеше быръемын луоз 60 депутат (али 90). Депутатъёслэн лыдзы кулэстэмын бере, мандатъёс понна вожвылъяськон ӟырдыт луыны кулэ.

Елена Васильева

 

 

Удмурт Дунне
By Удмурт Дунне Март 31, 2017 12:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<