Сӧсыр кылисьёслэн лыдзы элькунамы йылэ

Удмурт Дунне
By Удмурт Дунне Март 31, 2017 16:40

Ижысь МСЭ-я юрттэ инвалидъёс капчиен пыро

Кун Кенешлэн 29-тӥ сессиезлэн Правительстволы сӥзем часаз эскеризы инвалидъёслы юрттэт сётонэз. 

Сессилэн кутсконэз но, йылпумъяськонэз но та ужпумен герӟаськемын вал, шуыны луэ. Угось кенешон кутскемлэсь азьло ик «Справедливая Россия» фракцилэн азьветлӥсез Фарид Юнусов депутатъёслы вазиськонэн потӥз: инвалидъёсын кылдэм югдур понна куд-ог министръёслэсь, соослэн воштӥсьёссылэсь кылзэс юано. Туэ 2 толэзь куспын гинэ элькунамы кулэмъёслэн лыдзы шуак йылӥз, пӧлазы ӧжыт ӧвӧл нылпиос но. 30 процентэз адямиос инвалид луо лек пыктосъёсын сэрен. Инвалидъёс пӧлысь ог 10 процентэз гинэ реабилитация пыр ортче, солэсь но ӧжытэзлы уже интыяськыны луонлык кылдытэмын.

Правительстволэн часаз югдурен пыр-поч тодматӥз калыкез утён, семья но демография политикая министр Ольга Корепанова, со борды итӥськиз тазалыкез утёнъя министр Алексей Чуршин. Соос верамъя, арлы быдэ ог 17 сюрс мурт инвалид луэ. Сӧсыръёслы улон-вылонын юрттэт сётонлы араз ог 300-360 миллион манет висъяське. Кулэезлэсь со 2 поллы ќжытгес.

«Справедливая Россия» фракция тазалыкез утён сярысь кӧня ке законопроектъёс дасян борды басьтӥськем ни. Одӥгез соос пӧлысь герӟаськемын элькунысьтымы тазалыкез утён удысэз муниципалитетъёслы берыктонэн.

— Больница азьвыл муниципалитет киын вал. Соин ик ёрос йырен одӥг кыткетын ужаны луэ вал, — шуиз                     Ф. Юнусов. — Эмъясьёслы муниципальной улон инты висъяны луонлык вал, стационарын кыллисьёсты сюдыны ӧжытгес коньдон  кошкылӥз, угось, кылсярысь, картошка, кубиста ик артэ эштосъёсысь басьтылӥм. Нош али ваньмыз Тазалыкез утёнъя министерство киын. Котьма шуэ, интыосысь тазалыкез утён удыслэсь со палэнын.

Ф. Юнусов лыдъя: тазалыкез утён удысын оптимизация ортчытон калыклэн тазалыкез вылын умоен уг шӧдӥськы. Адямиослы эмъясьёс доры шедьыны секытгес луиз. Соин ик та ласянь котькуд вамышез лэсьтоно калыклэсь мылкыдзэ юам бере гинэ. Кун Кенешысь депутатъёс Правительстволэсь 2017-тӥ арлы оптимизация ортчытонъя планзэ куризы — соослэн та ужпумлэсь палэнэ кылемзы уг поты.

Элина Васильева

Удмурт Дунне
By Удмурт Дунне Март 31, 2017 16:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<