Пӧсьтолэзьысен шунытлы, вулы, тыллы тыронъёс йылозы

Удмурт Дунне
By Удмурт Дунне 31 марта, 2017 09:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Та сярысь ивортӥз энергетикая, ЖКХ-я но арифъёсты кун ласянь радъянъя министр Иван Маринин.

Уката дуноялоз кезьыт ву — 30 процентлы: одӥг кубометрлэн дуныз 13 манет 97 копейкаысь  18 манет 16 копейкаозь будоз. Зэм, Иван Маринин соку ик буйгатыны дыртӥз: озьы ке но Приволжск федерал округе пырись улосъёс пӧлын асьме ву тужгес дунтэм кылёз.

Эшшо 3 процентлы дуноялоз шуныт (Ижын — 6,6 процентлы), 3,6 процентлы — пӧсь ву, 3,9 процентлы — чагыр эстӥськон, 3,8 процентлы — тыл. Министр верамъя, та лыдпусъёс но, артэ улосъёсын ӵошатыса, бадӟымесь уз луэ.

2019-тӥ арысен выль амалъя радъямын луоз жуг-жагез поттон. Отчыозь кылдоз та ужез радъянъя улос оператор. Со ик тупатоз дунъёсты но. Али трос квартираем коркаосысь отходъёсты поттэм понна котькуд квадрат метрлы 2 манет 5 копейка басьтӥське. Кӧня со луоз оператор кылдэм бере? Али нокин вераны уз тоды.

— Куд-ог улосъёс выль амалъя ужаны кутскизы ни, — вераз Иван Маринин. — Соослэн дунъёссы 2-3 поллы йылӥзы.

Жуг-жагез поттон — капчи уж ӧвӧл. Берло дыре уката трос луизы полиэтилен пакетъёс — соосты но мукет сисьмисьтэм жуг-жагез нимаз кароно луоз. Нимысьтыз кылдытэм оператор кыл кутоз тужгес пыдлось гуртъёсысь жагез поттон понна но. Соин ик, трос этажъем квартираосын улӥсьёслэсь сяна, коньдон басьтӥськоз нимаз коркаосын улӥсьёслэсь но.

 Элина Кумачёва

Туспуктӥз А. Горбунов

 

 

Удмурт Дунне
By Удмурт Дунне 31 марта, 2017 09:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<