Мылкыд борды кулэ уксё

Удмурт Дунне
By Удмурт Дунне Март 3, 2017 08:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Выль ӟардон» коллективенымы, пӧртэм вожвылъяськонъёсы ветлыса, вормонъёсын бертаськом.

Алнаш ёросысь Ӧркагуртысь «Выль ӟардон» коллектив.

2014-тӥ арын Санкт-Петербургын ортчем «Золотая Пальмира» фестивальын вормеммы понна Чехие мыныны ӝыны дунын сертификат сётӥзы. 5 нунал Чехиын улэммы зэмос выжыкылын выллем луиз. Фестивале пыриськиз 51 коллектив. Кубок 7 гинэ вал. Тани 5-сэ сётӥзы ни. Милям сюлэмъёсмы дырекъяло,  лулӟылӥськомы. Россилэн кункышетэз нокытын ӧвӧл — озьыен, милемыз ӧз синйылтэ. Озьы малпаса гинэ вуттӥ но, «выль ӟардонъёс» шуыса, ӧтизы. Тэтчаса, эктыса потӥмы. Ми кадь шудоез отын ӧжыт вал.

Кунгож сьӧрысь бертэммы бере кӧня ке улыса, нош ик кытчы ке мынэм потӥз. Таяз радэ эшъёсме ӝутъяй Нижний Новгородын ортчись 7-тӥ калыккуспо конкурс-фестивале пыриськыны.  Нимыз но ас бордаз кыскись — «Новые вершины». Отчы дасямы «Гершыд гуръёс» композицимес.

Ӵошатсконэ пыриськиз 11 коллектив (пӧлазы вал калык нимез нуллӥсьёс но). Вормисьёс радэ шедёмы шуыса, чик ӧм малпалэ. Нош куинетӥ степенё лауреатъёс луиды шуизы но, мылкыдмы лӧптӥз, «бурдъёсмы» кылдӥзы. Табере ми пыриськом Сьӧд зарезь дурын радъяськись фестивале! Со туэ июль толэзе ортчоз.

Тросэз паймо асьме уксёен ветлэммылы. Кылсярысь, Чехие фестивале мынон понна апайёсы чечызэс, пудозэс  вузазы, вӧзаз пенсизэс ватсазы. Эшшо  нылпиоссы юртто. Пинал дыръязы фермалэсь, дор ужлэсь мозмытскемзы ӧз луылы. Али ке но гань-гань мед шутэтскозы. Но вожвылъяськонъёсы пыриськылыса, гуртысь юрт басьтымон мында коньдонзэс быдтӥзы ни. Эшъёсылэсь таӵе быгатонлыкъёссэс адӟыса, ёросысьтымы ужбергатӥсьёс коньдонэн пичи ке но юрттэт сётыны мед быгатысалзы вылэм.

Анна Александрова,

Алнаш ёросысь Ӧркагурт

Удмурт Дунне
By Удмурт Дунне Март 3, 2017 08:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<