Зинаида Рябинина: Калыкез литературалэсь золгес шугъяськыто война но тупаса улон

Удмурт Дунне
By Удмурт Дунне Март 31, 2017 17:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Зинаида Рябинина, валтӥсь редактор

Таяз арняе  Ижкаре  вуылӥз тодмо туала писатель Захар Прилепин.

Со одӥгез азинлыко ӟуч гожъяськись, поттӥз 17 книга, но али улэ Донбассын, кылем арын аслэсьтыз подразделенизэ кылдытыса, ожмаське та интыез утён понна.

Захар (шонергес ке, Евгений) меӵак вераз: али мон ожмаськисько, соин ик тазьы ӵем ветлыны уг ваньмиськы, но Иже лыктӥ, малы ке шуоно татын уло мыным дурбасьтӥсьёс. Прилепин выре гуманитарной  юрттэт люканэн но.

Валамон ини,  калыкез табере литературалэсь золгес шугъяськыто  война но тупаса улон. Шонергес ке, ку вуоз со тупаса улон?  Залысь адямиос З. Прилепинлэсь меӵак юаськизы, кытӥ-отӥ пыкылыса но. Но ожгарчилэн вань  котьма ласянь аслаз юн малпанэз но адӟонэз — со тодэ, мар понна ожмаське, уг шонаськы,  тӧлъёс пӧртэм сямен пельтыку.  Сое валэктыны шуг ӧвӧл — Прилепин писательысь  ожгарчи ӧз луы, кызьы малпало солэсь биографизэ тодӥсьтэмъёс,  со  нырысь ожгарчи вал (Чечняын но Дагестанын), собере ини луиз журналист но писатель.

— Выламы нуналлы быдэ маке мында ивор кисьтӥське,  кудӥзлы оскыны паймоно, мар кароно сыӵе дыръя  пинал калыклы? — юа арлыдо воргорон.

— Оскыны нокин уг косы. Ачим мон оскисько зэмлыклы но литературалы. Улонын (дуннеын) ваньмыз  берга спираль котыр — ваньмыз та вал ни! Ваньзэ шедьтыны луэ ӟуч классикъёслэн томъёсысьтызы. Лыдӟе выльысь — асьтэос валалоды, малы кутскиз та ожмаськон но маин йылпумъяськоз.

Нош быдэ вуымтэослэн  митингъёсы пыриськемзы сярысь со вераз: мон гажасько оппозициез, югдурез зэмзэ но тупатон вылысь нюръяськись адямиосты, но егит мурт кытчы мынэмзэ но уг вала ке, нюръяськись-а со?

Соку ик тодам лыктӥз 90-тӥ аръёсы аслам  «быдэ вуымтэ вакытэ» (арлыды вал ни, визьмы вылымтэ), куке кин ке (кинзэ ӧм но юалэ) ыстӥз, уксё сӥзьыса, валантэм митинге, нош ми, марзэ-созэ валатэк, мынӥм. Со понна али ке но кисырасько.

Ӧжыт лыдӟиськиськом, огкылын вераса. Соку но, али но.

З. Прилепинэн пумиськон сярысь пыр-почгес лыдӟемды луоз вуоно номерысь.

Удмурт Дунне
By Удмурт Дунне Март 31, 2017 17:11 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<