Кыӵе клубъёслы шуд усёз?

Удмурт Дунне
By Удмурт Дунне 7 марта, 2017 14:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Культурая но туризмъя министр В. Соловьёв: куашкан калэ вуэм клубъёс асьмелэн 100-лэсь уно, югдурез тупатыны юрттоз федерал программае пыриськеммы.

Коньдон борды кулэ пӧзись сюлэм

Культурая юртъёсты тупатъянэн, выльёссэ пуктонэн вырем сяна, кыӵе ужпумъёсты али сэрттэ-пертче шаерысьтымы Культурая но туризмъя министерство? Вераськиськом министрен Владимир Соловьёвен.

Культурая юртъёсты, городын гинэ уг, гуртъёсын но пумен вошто мукет шутэтскон интыос. Озьыен, егитъёс кыстӥськемысь дугдо культурая юртлэн ужрадъёсаз?

— Та ужпум кылдылэ вал совето вакытэ но, лэчыт сылэ али но. Нырысь ик, тросэз потэ культурая юртын ужась бордысь. Валамон, адямилы тунсыко ӧвӧл ке, со клубе уз лыкты. Соин ик культураын ужасьлэн паськыт тодон-валанъёсыз луыны кулэ: выль ужан амалъёсты кутоно, егитъёсын одӥг кыл шедьтоно. Та юанъёсты ми дышетонъёсын, семинаръёсын сэрттӥськом-пертчиськом. Но, мукет ласянь, мылысь-кыдысь ужась адями котьку луонлык шедьтоз ассэ ачиз будэтыны. Асьмеос пӧртэмесь: кинлы ке вераса гинэ тырме, кинлэсь ке ужамзэ эскерыса возёно. Министерство клубъёсты ялан уз чакла. Ёросъёсысь культурая управлениос но нуналлы быдэ гуртъёсы уз поталэ, озьы куд-ог клубъёс ганяк карисько.

Культура удысын ужасьёслэн шоро-куспо арлыдзы али 50 арес котырын.Егитъёслэн та удысэ лыктэмзы потэ, но ужан интыос ӧвӧл. Валамон, одӥг ласянь, кельтоно кема аръёссэ тыршем адямиосты, мукет ласянь, кысконо улон шоры егит синмын учкисьёсты. Ижын выль кужымез кыскыны луонлыкъёсмы вань ке — Удмурт театре егит артистъёсты кутӥмы, соослы квартираос но сётыны быгатӥм — ёросъёсын та выллем луонлыкъёсмы ӧжытгес.

— Гуртъёсын туж трос клубъёс куашкан калэ вуэмын, тросаз аппаратуразы вужмемын.

— Та юан туж сюлэмшугъяськытэ. Сыӵе клубъёс асьмелэн 100-лэсь уно. Шумпотӥсько, «Огъя Россия» партилэн кичќл-тэмезъя туэ культурая юртъёсты тупатъянъя федерал программа ужаны кутскиз шуыса. Федерал бюджетысь милемлы туэ висъяське 31 миллион манетлэсь ятыр, со сяна, 3 миллионлэсь ятырзэ элькун сётэ. Программа чакламын 3 арлы. Со куспын вань ёросъёсысь одӥг-кык культурая юртъёсты тупатыны, аппаратуразэс выльдыны быгатом. Кыӵе юртъёслы шуд усёз? Лыдэ басьтом ёрос администрациослэсь культура понна тыршемзэс но, клубъёслэсь ужамзэс но.

Кайта ми сюрыны кулэ мукет федерал программае но — соя воксё выль культурая юртъёсты пуктыны быгатом. Та пумысен кылем толэзе ми элькунмылэн Тӧроеныз Александр Соловьевен ӵош пумиськылӥм Россиысь культурая министрен Владимир Мединскиен. Федерал министр шуиз: юрттэт луоз. Выль клубъёс пуктыны чакламын сыӵе гуртъёсы, кудъёсыз шаермылэн историяз пытьы кельтӥзы. Кылсярысь, Алнаш ёросысь Асангуртэ, отын, Т. Борисовлы сӥзьыса, 2 арлы огпол фестиваль ортчылэ, нош куашкан калэ вуэм клубазы калыкез ик пыртыны возьыт. Озьы ик Г. Корепанов-Камский композиторлэн вордӥськем палъёсаз — Дэбес ёросысь Тыловае, татын но калыккуспо фестивальёс ортчыло. Палэнэ ӧм кельтэ Шарканысь клубез — со кема аръёс ӵоже пуктӥське ни.

Элькунлэн юрттэменыз туэ усьтӥмы Вотка ёросысь Камский черкогуртын клуб, кылем арын — Сарапул ёросысь Уральскийын. Озьы ик кылем арын ёросъёсысь культурая управлениослы басьтэмын 16 автобус. Таӵеез ноку ӧй вал на, табере гуртъёсысь ансамбльёс но концертъёсын палэнэ потаны быгатозы.

Элькунмылэн трос коньдон висъяны луонлыкез ӧвӧл бере, ми федерал бюджетэн гижысь-пиньысь ужаны тыршиськом.

— Но туала вакытэ ялан бюджет вылэ уд чќлскы, аслыд но уксё поттоно.

— Гуртысь культурая юрт трос коньдон поттыны уз быгаты. Ёрос центръёсысь, каръёсысь клубъёс быгатозы! Гуртэ профессиональной артистъёс но ӵем уг ветло, егитъёс дискотекаосы уг потало. Соин ик министерство, кызьы быгатэ, озьы ик гуртысь клубъёслы юрттыны тырше. Асьмелэн отын калык культура утиське ук.

Бюджет сяна, вань на пӧртэм грантъёс, фондъёс. Семинаръёсын ми дыше-тӥськом соосын ужаны, проектъёс гожъяны.

— Шаерамы али трос тупатъям-выльдэмез возьмась юртъёс: З. Лятушевичлэн юртэз,  Йӧскалык библиотека, «Ижмаш» заводлэн башняез…

Матысь дыре йылаз-пумаз вуттыны кулэ Йӧскалык библиотекаез выльдонъя проектэз, тупатъян-выльдон ужъёслы коньдон федерал бюджетысь кыскыны турттом. «Ижмаш» заводлэсь башнязэ тупатон — тужгес секытэз ужпум. Отчы 2 но љыны миллиард манетлэсь тросгес коньдон кулэ, В. Мединский шуиз: сомында уксё ноку уз висъялэ, утчано инвесторъёсты. Нош та юрт асьмелы туж кулэ. Шаермылы галерея, суредъёсын адӟытонъёс лэсьтылыны зал кулэ. 3 бадӟым элькун музейёслэн фондъёссы тырмемын. Суредаськон искусствоосъя элькун музеез заводлэн башняяз поттыны луысал, музейлэн али юртэз туж начар ни, башнялэн огаз этажаз луэ лэсьтыны ож тӥрлыклы сӥзем музей. Ми та малпанмылэсь ӧм куштӥське, М. Калашниковлэн котырес лыдпусэзлы сӥзем проектэ сое одно ик пыртом.

— Туризм но каллен азинскыны кутске ни. Шаркан, Грак, Эгра, Сарапул, Воткинск, Кияса ёросъёс куноосты пумитаны быгатэменызы паймыто, но мукет интыосысь 200-лэсь уно маршрутъёс «бабо».

— Шаермы мурт калыклэсь ворсамын вал бере, асьме дорын туризм азинскыны бер кутскиз. Али бускель улосъёсты сутон понна трос бызьылоно. Монэ паймытӥз Алабгоысь музейёслэн ужамзы. Отын 16 объектсы, одӥг кивалтэт, ужасьсы трос ӧвӧл. 26 миллион манет бюджет сётэ, нош 30-зэ асьсэос потто. Озьы соослэн луонлыксы вань ремонт но лэсьтыны, уждунэз но йылтыны. Алигес вуж больницае усьтӥллям В. Бехтерев докторлэсь музейзэ. Нырысь турын-куаръёсын, собере туала медицинаен тодмато. Мыным кельше алабгоослэн ужан амалзы: асьмеос лэсьтом! Милям калыкмы талы дышемын ӧвӧл.  Бюджет сётоз ай, шуо. Нош кӧня дано адямиос дорамы вордӥськемын, кудмында тунсыко интыосмы!

Та дырлы ми Россиысь туризмен вырисьёс понна 3 инфотур ортчытӥм. Москваысь огез адями юа: малы, пе, Удмуртия сярысь сокем ӧжыт ивор, мон, пе, уг тодӥськы вал, Брангуртысь песянайёс — удмуртъёс, Воткинск — П. Чайковскийлэн дорез, нош Ижкар — со Удмуртилэн шоркарез шуыса. Туэ информационной центр усьтӥмы, со ивор вӧлмытон, маршрутъёсты, брендъёсты кылдытон бордын ужалоз. Али нош ик министерство «Мынам Удмуртие» ТРК-ысь «Большое путешествие» передачалы коньдон висъяз. Малы со кулэ шуыса, мынэсьтым кылме ялан юаллязы. Кулэ! Гуртъёсты телевизор пыр адӟыса, адями тодматске шаеренымы, тунсыко интыосы мыныны мылкыдыз ӝутске.

Шаермы туж чебер, потэ Казанен, Санкт-Петербурген ӵошатскеммы, но уг луы. Аэропортмы пичи, Москвае одӥг гинэ поезд ветлэ. Шумпотӥсько, туэ Сарапулысь «Кам ярдур» проектлы нош ик коньдон кыскыны быгатӥм шуыса (туэ туризмез азинтонлы 22 регионъёслы гинэ Москва кузь уксё висъяз). Кылем арын 35 миллион манет гинэ сётӥзы ке вал, туристъёслэн лыдзы 5 поллы будӥз! Та проект йылпумъяськиз ке, мукетызлэн черодэз вуоз — «Воткинск — П. Чайковскийлэн дорез». Таизъя быгатомы Воткинскез выльдыны: сюресъёс лэсьтыны, канализациез тупатыны, ярдурзэс чеберъяны.

Валамон, туризмлы али тырмыт коньдон уг висъяськы. Соин ик кызьы ужалозы гуртоос, озьы ик маршрутъёс азинскозы. Туризм — со мадёс, выжыкыл ук: макем сое тунсыко малпалод, сокем тросгес калык дорад кыстӥськоз. Кулэ пӧзись сюлэмъёс, одӥг адями та ужез интыысьтыз вырӟытыны уз быгаты. Со сяна, ёрос кивалтӥсь но туризмлэсь кулэлыксэ вала ке, юрттэт шедьтэ ке, ёросын ваньмыз пӧзьыны кутске.

Мария Векшина

Удмурт Дунне
By Удмурт Дунне 7 марта, 2017 14:29 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<