Курыт юонэн вуз каронэз чаклано!

Удмурт Дунне
By Удмурт Дунне Март 21, 2017 16:05

Курыт юонэн вуз каронэз чаклано!

Кун Кенешлэн Президиумаз эскеризы курыт юонэн вуз каронэз радъян ужпумез.

Берло дыре ӵемысь кылӥське «Боярышник» выллем урод юонъёсын валче шуге-леке вуэм учыръёс сярысь. Таин сэрен калык тазалыксэ золгес чакланы кутскиз. Промышленностья но вуз каронъя министр Владимир Разумков верамъя, шаерамы улӥсьёс быдэн 7,5 литр кудӟытӥсьсэ юо. Мукет аръёсын ӵошатыса, та 3 процентлы ичигес. Заводъёсмы миым кудӟытӥсьсэ 8 процентлы уногес поттӥзы ке но. Вань лэсьтэмез пӧлысь Удмуртие кыле 1 миллион 200 декалитрез, ог 1 миллион 500 декалитрез кошке республикалэн палэназ.

Курытсэ лушкем вузанэн нюръяськон Ижын 3-тӥ арзэ нуиське ни. Озьы миым гинэ транспорт дугдылон 55 интыос выль сямен лэсьтэмын. Тросаз уго ларёкъёс сылӥзы. Ӵапак отын уен-нуналэн курытэныз вуз карылӥзы. Соосты быдтон вылысь но остановкаосты выльдӥзы. Кун Кенешлэн бурд улаз ужась «Калык контроль» проектэ пырись активистъёс Иж город администрациен но югдурез утисьёсын дэмен огпол гинэ рейдъёсы ӧз поталлялэ. Зэм, вужъёсыз киоскъёс интые выльёсыз ӝужало. Кылсярысь, кофеен я пыжиськемен вуз каронъя сэрегъёс губиос сямен аляло. Татын но курытсэ дэмланы быгато, шуо депутатъёс. Бытовой химиен вуз каронъя лавкаосын но курытсэ вузан учыръёс шараясько. Но таосты эскерыны город администрацилэн правоез ӧвӧл.

Кытын курытэныз вуз карыны яра, кытын уг — Иж город администрация 249 схема дасяз. Лыдпус йылоз на. Ӵапак со схемаос кылдӥзы ке, капчигес ужаны луоз югдурез утисьёслы но. Ларёкъёсын, киоскъёсын курытсэ вузанэз алон понна соосты ӵемгес эскерылоно, шуиз Кун Кенешлэн Тӧроез Владимир Невоструев.

Елена Сараматова

Удмурт Дунне
By Удмурт Дунне Март 21, 2017 16:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<