«Купанча» ансамбльлы 25 ар тырмиз

Удмурт Дунне
By Удмурт Дунне 29 марта, 2017 08:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 Сое кылдытӥз крезьгурчи Пантелей Кузнецов.

17-тӥ южтолэзе Уваысь «Юность» культурая юртэ коллективмес ӟечкыла-ны вуылӥзы Алнаш, Кез, Дэбес, Шаркан но Красногорск ёросъёсысь «Купанча» ним нуллӥсь ансамбльёс!

Озьы ик сцена вылэ потаз культурая но туризмъя министр Владимир Соловьёв. Удмурт культураез, крезьгурез вӧлмытэмез понна со ансамблез 70 сюрс манет тыр сертификатэн пусйиз. Владимир Михайлович нимысьтыз шуныт кылъёс вераз Пантелей Кузнецовлы. Кыкназы соос Алнаш музъем вылын вордӥськемын, Пантелей Николаевичез алнашъёс асьсэ адямиен лыдъяло, уваос — асьсэ. Но сое озьы люкыны уг яра, со вань удмурт калыклэн крезьгурчиез, шуиз В. Соловьёв.

Пантелей Николаевич вераз, кыӵе шуг-секытъёсын пумиськиз «Купанчаез» кылдытон вакытэ. Со дыръёсы удмуртлыкез утись-ӝутӥсьёсты трос кокчасьёс сюрылӥзы, шуиз со. Но со могӟетъёсты ортчыса, «Купанча» ӝутӥськем гинэ ӧвӧл, буй-буй сяськаяз. Пантелей Николаевичлэсь троссэ гожтэм кырӟанъёссэ «Купанча» быдэсъялляз.  Табере дано крезьгурчилэн 1 сюрслэсь ятыр кырӟанъёсыз ни. Соос Удмуртиын гинэ ӧвӧл, шаермылэн палэназ но вӧлмемын.

Озьы ик П. Кузнецовлы но «Купанчалы» шуныт, ӟеч кылъёс веразы «Удмурт Кенеш» огазеяськонлэн кивалтӥсезлэн воштӥсез Алексей Серебренников, Ува  ёрослэн йырыз Владимир Головин, Ува ёросысь «Удмурт Кенеш» огазеяськонэн кивалтӥсь Геннадий Сидоров но мукетъёсыз.

«Купанча» ансамблен туннэ кивалтэ Святослав Медведев арганчи. «Купанчаос» туж умой быдэстӥзы Пантелей Кузнецовлэн кылъёсызъя но крезьгуръёсызъя гожтэм кырӟанъёсты, озьы ик К. Гердэн гожтэм Вало шур котырысь гуртъёсын вӧлмем гуръёсты.

Кыӵе ӟеч мылкыд но выль кужым сётӥз шаерысьтымы вань «Купанчаослы» таӵе пумиськон! Азьланяз таӵе ик чебер ужрадъёс пӧрмытыны мед быгатозы.

Евгений Эжбаев

Удмурт Дунне
By Удмурт Дунне 29 марта, 2017 08:47 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<