Кун Кенешлэн Тӧроез Владимир Невоструев вуылӥз Чувашие

Удмурт Дунне
By Удмурт Дунне 31 марта, 2017 09:31

 Чебоксарыын ортчиз Приволжск федерал округысь улосъёслэн парламентъёссылэн ассоциацизылэн кенешез.

Владимир Невоструев мадиз Удмуртиын егитъёслы патриотизм мылкыд пыӵатон сярысь. Али республикаямы быдэсъясько 2 программаос.  Кылдытэмын пиосты армилы дасянъя элькун центр. Отын 10-тӥ классъёсын но училищеосын дышетскисьёс понна сборъёс ортчыло.

Егитъёслы патриотизм мылкыд пыӵатон понна трос лэсьтэ 2014-тӥ арын Воткинскын усьтэм кадет корпус.

— Россилэн Президентэз Владимир Путин шуиз: патриотизм — со Россиез огазеясь малпан. Но, жаляса верано, туннэ нуналлы Россиысь законодательствоын та ласянь визьноданэз радъянъя нормаос ӧвӧл, — ӧпкелиз Владимир Невоструев. — Ветеран огазеяськонъёслэн, ӟеч сямъёсты пыӵатӥсь клубъёслэн ужзы законэн рос-прос чакламын мед луозы.  Чаклано соослы юрттэт сётонэз но.

Владимир Невоструев тодэ вайытӥз: 2014-тӥ арын Приволжск федерал округысь парламентарийёс «Россия Федерациысь егитъёсын ужан политика» федерал законлэн проектэныз потазы ни. Но, жаляса верано, туэ январе законопроектэз Кун Дума палэнтӥз. Владимир Невоструев ПФО-ысь законодательёслы вазиськиз: та ужпум борды нош ик басьтӥськоно, дэмланъёсмес огъя кужымен дасяно.

Со сяна, Владимир Петрович пусйиз патриотизм воспитание азьын сылӥсь кӧня ке шуг-секытъёсты. Нырысь ик, та удысъя рос-прос специалистъёс ӧвӧл. Кыкетӥез, военно-патриотической огазеяськонъёс азе рос-прос огъя куронъёс пуктоно. Владимир Петрович дэмлаз Россия Федерациын кадетъёсты дышетонъя концепция кылдытыны.

Татарстанысь Кун Кенешлэн Тӧроез Фарид Мухаметшин Владимир Невоструевлэсь дэмланъёссэ умоен лыдъяз, соосты, пе, котыр ласянь эскероно. Нош Россия Федерацилэн Президентэзлэн Приволжск федерал округъя оскем муртэзлэн воштӥсез Олег Мельниченко Воткинскысь кадет корпусмес туж вылӥ дунъяз, улосъёсысь вань спикеръёслы дэмлаз сое учкыны ветлыны.

Елена Панфилова

Туспуктэм: udmgossovet.ru

Удмурт Дунне
By Удмурт Дунне 31 марта, 2017 09:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<