Ижысь 3 музыкантъёслы «Выль нимъёс» фондлэсь стипендизэ сётӥзы

Удмурт Дунне
By Удмурт Дунне Март 13, 2017 12:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь тужгес усто пианистъёс Анастасия Иванова, Кирилл Храмов но Андрей Шашкин пусъемын «Выль нимъёс» фондлэн премиосыныз.

Нырысетӥез кадь ик,  60-тӥез но «П. Чайковскийлэн дор палъёсаз» фестиваль усьтӥськиз Воткинскын. 11-тӥ южтолэзе нылпиос крезьгуро инструментъёсын шудӥзы, нош тодмо пианист Денис Мацуев концерт сётӥз.

— «П. Чайковскийлэн дор палъёсаз» фестивален валче асьме шаермы быдэс дуннелы тодмо луиз, со тодмо артистъёсты гинэ уг люка, быгатӥсь нылпиосмылы но азинскыны сюрес сётэ, — вераз шаерысьтымы культурая но туризмъя министр Владимир Соловьёв.

Озьы фестивалез усьтыны оскемын вал шаерысьтымы пинал усточиослы. Со юнме ӧвӧл, уго Воткинск — со покчи Петя Чайковскийлэн карез. Тае лыдэ басьтыса но, 17-тӥ-21-тӥ оштолэзе П. Чайковскийлэн музеяз симпозиуме люкаськозы Россиысь крезьгурчиос но тодосчиос, соос вераськозы композиторъёслэн покчи дырзы сярысь.

Ижын искусствоосъя школаос 13. Пиналъёс нуналлы быдэ киязы куто баянзэс, скрипказэс я пуксё фортепиано сьӧры. Кинэ гинэ соос шудыны уг быгато: дымбыртӥсь Григез но, лэймыт Бетховенэз но, ӟырдыт Шопенэз но…  Тыршемзы юнме ӧвӧл — Ижысь тужгес усто  пианистъёс   Анастасия Иванова, Кирилл Храмов но Андрей Шашкин пусъемын  «Выль нимъёс» фондлэн премиосыныз.

— Та пиналъёс — шаердылэн тылгизьыосыз. Стипендия юнме шорысь уг сётӥськы, озьыен, соослэн ӟеч быгатонлыкъёссы. Азьланяз ми соосты чаклалом, фестивальёсамы, мастер-классъёсамы ӧтчалом, оло, вуонояз лыктыкумы, Ижын покчиослэсь фестивальзэс но лэсьтомы,  — вераз «Выль нимъёс» фондлэн кивалтӥсез Денис Мацуев.

— Нырысь ми фортепианоен шудэммес видеое гожтӥм, собере  Москваысь консерваториысь доцент Денис Чефанов, Иже лыктыса, милемлы мастер-класс возьматӥз но ми пӧлысь устооссэ бырйиз, — вера 11 аресъем Кирилл Храмов. — Стипендилы туж шумпотӥсько, туэ гужем ик мыно Москваысь крезьгуръя вылӥ школае, туртто отчы пырыны.

Воткинске, дано композиторлэн вордӥськем юртаз, вуэмзылы шумпото «Синяя птица» телевизионной конкурсын вормемъёс но — Владивостокысь арганчи Ростислав Мудрицкий, Саратов улосвылысь саксофонэн шудӥсь Софья Тюрина но дымбыртонзэ (барабан) кокась Екатерина Филимонова. Соос ик йылпумъязы нылпиослэсь концертсэс.

— Ми яратӥськом Россиез котыръяны, концертъёс сётъяны, — верало пиналъёс. — Дышетсконмес ум аналтӥське, гуртын книгаос сьӧрын пукиськом, нуналлы быдэ крезьгурен выриськом: сотэк ӟеч шудыны уд пӧрмыты. Умой ук со: ми понна хоббимы ужлы пӧрмиз.

Ӝытсэ калык люкаськиз «Юбилейный» культурая юртэ, отын Денис Мацуев концерт возьматӥз.

Кытын, ку, мар: 60 интыосын 60 концертъёс

Мария Векшина

Удмурт Дунне
By Удмурт Дунне Март 13, 2017 12:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<