Ижын усточи ветеранъёслэн фестиваль-конкурссы ортчиз

Удмурт Дунне
By Удмурт Дунне Март 27, 2017 15:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Та нуналэ вожвылъяськись ветеранъёс пӧлын туж каньыл, шуныт вал. Ми паймыса учкимы ог-огмылэсь номеръёсмес, азинсконъёс сӥзим, ог-огмы понна сюлмаським.

Алигес Иже усточи ветеранъёслэн фестиваль-конкурсазы вуылӥ. Кемалась мон сюлмыным сыӵе ӧй шутэтскылы ни вал!

Конкурсэ вань ёросъёс пыриськизы, огъя 78 номер пуктэмын вал. Концерт 5 час ӵоже кыстӥськиз. Фестивальын ӧй вал тодмо артистъёс, быгатонлыкъёссэ возьматӥз огшоры калык: азьвыл механизаторъёс, эмъясьёс, пудо утисьёс, дышетӥсьёс, военнойёс, бухгалтеръёс, водительёс, токарьёс но мукетъёсыз.

Мылкыдэз бурдъязы арганчиос но баянистъёс. Соос пӧлын вал Алнаш ёросысь В. Гоголев, со нырысетӥ степенё лауреат луиз, нош Р. Лесников — куинетӥ.

Кылбур — сюлэмез буйгатон. Кылбур лыдӟисьёсты синвутэк кылзыны ӧз луы. Соос туж чебер вераськизы. Тупась слайдъёс но дасямын вал. Ёросысьтымы               Г. Майорова но В. Мусихина туж быгатыса кылбуразы.

Вераме потэ киужъёс сярысь но: куиськон, пужыятӥськон, керттӥсь-кон, чильпаськон, суредаськон… Киужъёс сярысь кылъёсын уд вера — туж золэсь! Асьсэды быгатӥсен возьматӥзы ас пал эшъёсмы В. Гоголев, В. Лаврентьев, В. Березкина, Н. Соколова.

Крезьгуран-кылбуранъя номинацие ёросысьтымы Н. Тимохина, В. Тарасова но мон «Льӧмпу ваез мон ӧй тӥя» кырӟанэн пыриськимы. Сцена вылэ ӵем уг потаськы, но концертысен валай, макем зол калык  яратэ крезьгурез. Кичабонъёс  бурдъяло, мылкыдэз пуромыто. Ми 2-тӥ степенё лауреатъёс луимы.

Кырӟанэз котькудӥз кырӟа кызьы быгатэ. Но со сюлмысь ке потэ, котькыӵе кылын мед луоз, учкись дорозь вуэ, шумпоттэ. Бадӟым арлыдазы вуэм куд-ог ветеранъёс сцена вылэ мырдэм тубылӥзы, нош киязы микрофон кутыса, егитомылӥзы, сяськаязы, эктыны ик ӧдъяллязы. Тӥни кызьы сцена адямиез воштэ!

Та нуналэ вожвылъяськись ветеранъёс пӧлын туж каньыл, шуныт вал. Ми паймыса учкимы ог-огмылэсь номеръёсмес, азинсконъёс сӥзим, ог-огмы понна сюлмаським.

Любовь Ганькова,

                      Алнаш черкогурт

Удмурт Дунне
By Удмурт Дунне Март 27, 2017 15:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<