Ижын шаерчилы Никифор Павловлы сӥзем адӟытон усьтӥськиз

Удмурт Дунне
By Удмурт Дунне 30 марта, 2017 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Никифор Павлович шаерамы гурт удыслэсь но крестьянстволэсь азинскемзэс, элькунмылэсь кылдэмзэ эскериз. Озьы ик со гожтӥз И. Наговицын, И. Волков, М. Прокопьев, Т. Борисов но К. Герд сярысь очеркъёс.

13-тӥ южтолэзе Удмуртилэн туала историезлэн документациезъя центрын Никифор Павловлы сӥзем адӟытон усьтӥськиз. Ӵапак со нуналэ история наукаосъя докторлы 95 арес тырмысал.

Никифор Павловлэн нимыз шаерамы сокем тодмо ӧвӧл. Сое ум ортчиське шаертодонъя яке историяя  урокъёсын. Нош ас вакытаз Никифор Павлович шаерамы гурт удыслэсь но крестьянстволэсь азинскемзэс, элькунмылэсь кылдэмзэ эскериз. Озьы ик со гожтӥз И. Наговицын, И. Волков, М. Прокопьев, Т. Борисов но К. Герд сярысь очеркъёс.

Вордскиз Никифор Павлов 1922-тӥ арын 13-тӥ южтолэзе Можга ёросысь Удмурт Сюгийыл гуртысь крестьян семьяын. Можгалась педучилищеез йылпумъямез бере 2 ар пала дышетӥсьын ужаны вуттӥз, нош 1941-тӥ арын, ачиз куриськыса, фронтэ кошкиз.  1943-тӥ арын Новороссийск дорын зол сӧсырмемез бере демобилизовать каремын вал.

Н. Павлов Ижысь педагогикая институтэз, Москваысь педагогикая В. Ленин нимо институтысь аспирантураез йылпумъяз. Ож бере школаын военрук вал. Бӧрысь Можгалась педучилищеын пионеръёсын ужаны дышетӥз но историлы визьнодаз. ВЛКСМ-лэн Можга райкомезлэн нырысетӥ секретарез, УдНИИ-ын историяя секторлэн кивалтӥсез, собере отын ик директорлэн воштӥсез луыса ужаз. Н. Павловлэн тыршемез вылӥ дунъямын, со луиз УАССР-ысь наука удысын дано ужась, Кузебай Герд нимо премилэн лауреатэз.

Удмуртилэн туала историезлэн документациезъя центрын ужасьёс верамъя, Н. Павловлы сӥзем адӟытонын 60-лэсь уно экспонатъёс, тросэзлэн документъёслэн, туспуктэмъёслэн оригиналъёссы поттэмын. Но соос югыт азьын ӝог быро. Соин выставка кема уз ужа — толэзь ӵоже гинэ. Отысь адӟыны луоз тодосчилэсь гожъямъёссэ, бичетъёссэ, архивъёсысь люкам вашкала документъёсты, гожтэтъёсты. Озьы ик Н. Павлов яратэ вылэм суредаськыны но туспуктылыны. Соин адӟытонэ  интыямын нылызлэн, ужась адямиослэн кӧня ке тусъёссы.

Н. Павловлэсь документъёссэ архивлы сётӥз нылыз Т. Павлова.

Елена Рябина

Туспуктэм: gasur.ru

 

Удмурт Дунне
By Удмурт Дунне 30 марта, 2017 16:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<