Франциын эшъяськон мылкыдын уло, Россиын йылозы социальной пенсиос, Удмуртиын усьтӥськозы Кам но Буй шуръёс вамен выжъёс

Удмурт Дунне
By Удмурт Дунне 28 марта, 2017 11:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

ДУННЕЫН

Эшъяськон мылкыдын уло

Франциын президент быръёнлэн нырысетӥ тураз — 23-тӥ апреле — пыриськоз  11 кандидат.

Соос пӧлысь 5 тужгес кужмоосыз таяз арня вискын споръяськизы теледебатъёсын. «Национальный фронт» но «Республиканцы» партиослэн азьветлӥсьёссы  Марин Ле Пен но Франсуа Фийон шара верало Россиен эшъяськон мылкыдзэс. Соиз но, таиз но шуэ: Крым — Россилэн, отын улӥсьёс мылкыдзэс веразы, референдум ортчытыса.

Теледебатъёс дыръя Марин Ле Пен но Франсуа Фийон понна куаразэс сётӥзы 19 процентэз бырйисьёс.

РОССИЫН

Йылозы социальной пенсиос

Правительстволэн Тӧроез Дмитрий Медведев гожтӥз постановление, 1-тӥ апрельысен социальной пенсиос 1,5 процентлы будозы шуыса.

Минтруд ивортэмъя, соку странаысьтымы 3,9 миллион пала муртлэн пенсиоссы йылозы но социальной пенсилэн шоро-куспо быдӟалаез 8 сюрс 774 манет луоз.

Шаерамы али 454 сюрс пала пенсионеръёс лыдъясько, ог 45 сюрсэз соос пӧлысь социальной пенсия басьто. Озьыен, сомындаезлэн ик пенсиоссы йылозы.

Тодады вайытом, азьвылэз индексация ортчытэмын вал феврале, соку ужасьтэм пенсионеръёслэн пенсиоссы  5,4 процентлы будӥзы.

УДМУРТИЫН

Усьтӥськоз гужем

Кам но Буй шуръёс вамен выжъёс усьтэмын луозы туэ июле. 

Кызьы азинтӥське выжъёсты лэсьтон — та арня вискын нош ик эскеремын Удмуртилэн Тӧроез А. Соловьев дорын. Верамын: куд-ог ужъёс татчыозь ӝегаса мынӥзы, азьланьын таӵеез медаз луы.

Май толэзьысен отӥ ортчон понна дун басьтыны кутскозы ни. Выжъёс вылтӥ нуналлы быдэ солань-талань ветлӥсьёс понна, кылсярысь, Камбаркаын улӥсьёслы,  дунъёсты пичиятыны чакламын — таӵе программа дасян бордын али ужа ВТБ банк.

 

Удмурт Дунне
By Удмурт Дунне 28 марта, 2017 11:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<