Башкортостанысь Удмуртъёслэн центренызы 19 ар ӵоже кивалтӥз Ренат Галямшин

Удмурт Дунне
By Удмурт Дунне 9 марта, 2017 11:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Башкортостанысь Удмуртъёслэн центренызы 19 ар ӵоже кивалтэм Ренат Галямшинэз шаерамы тодӥсьтэмез ӧвӧл, дыр. Удмуртиын солэн туж трос туганъёсыз (эшъёсыз).

— Ренат Биктимирович, улондэс выльысь берыктыны луысал ке, Башкортостанысь удмуртъёслэн центренызы кивалтон борды басьтӥськысалды на-а?

— Одно ик басьтӥськысал.

Выль ужез кутскыны котьку секыт. Мон пичи дырысеным секытлыкъёсты вормыны дышетски. Удмуртъёслэн центренызы кивалтон уж борды басьтӥськыкум но аслам кужымелы осконэ бадӟым вал. Нош аслыд ачид оскиськод ке, мукетъёс но тыныд оско. Пӧртэм адямиосын пумиськылоно, пӧртэм ӧсъёсы йыгаськоно луылӥз. Но мон солэсь ӧй кышка — азьлань вамыштӥ, эшъёсме но сьӧрам кыски. Туннэ дӥсьтыса вераны быгатӥсько: номыр сярысь уг жаляськы.

— Азьланяз кыӵеен адӟиськоды центрлэсь ужзэ?

— Туннэ шаерысьтымы пӧртэм ёросъёсысь удмуртъёслэн огазеяськыса ужамзы мон понна бадӟым шумпотон луэ. Оскисько, азьланяз но удмурт калыкмы ӟеч ужаны, сюлмысь шулдыръяськыны, ужъёсын басьтэм вормонъёсыныз данъяськыны быгатоз. Нош калыкен ужасьёслы одӥгзэ вераме потэ: сюлмысь но гижысь-пиньысь мед тыршозы. Мукетъёслэсь возьмаса, палэнын сылоно ӧвӧл, аслыд лэсьтоно.

— Тӥ трос кужымдэс сётӥды удмурт вӧсьёсты улӟытон понна.

— Бен, вӧсьёс табере улӟемын. Со понна мон туж шумпотӥсько. Ваньмы Инмар улын ветлӥськом ук. Куддыръя кылын валэктыны но уг луы, макем бадӟым кужымез Инмарлэн. Сое шӧдоно гинэ.

— Ма тӥледыз туннэ тужгес но шумпоттэ но сюлэмшугъяськытэ?

— Шумпотӥсько, удмурт кылмы, вашкала сям-йылолъёсмы, культурамы утиське но возиське шуыса. Кылем арын нырысьсэ Улысь Балтач гуртысь пиослэн «Ӧрӟи» ансамбльзы Удмуртиын ортчылӥсь «Элькуновидение» пыриськиз. Ирина Самигуловамылэн кылбуръёсызъя гожтэм кырӟанъёс нуналлы быдэ сямен чузъясько «Мынам Удмуртие» радио пыр. Котькуд ёросын синмаськымон удмурт фольклор коллективъёс вань. Ӟеч сямлы пӧрмиз гуртъёслэсь нуналъёссэс пусъён но мукет.

Сюлэмшугъяськонъёс но тырмыт. Валтӥсез — удмуртъёс пӧлын кужмо азьветлӥсьёс тросгес мед луысалзы, удмурт кивалтӥсьёс мед будысалзы.

Ирина Самигулова

Любовь Тихонова

 

 

Удмурт Дунне
By Удмурт Дунне 9 марта, 2017 11:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<