193 буёло вуюись

Удмурт Дунне
By Удмурт Дунне 9 марта, 2017 09:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем номерын сётӥмы «193 пӧртэм вуюись» йыртӥян. Ми доры вуизы ог 40 валэктонъёс.

Тодон-валанъёссэс бад-ӟымез но, пичиез но эскериз. Нош Дэри ёросысь Изгурт школаын, оло, валче пуксьыса, визьзэс сыналлям — дорамы 17 уж ыстӥзы. Таосты ми нимысьтыз дунъялом. Ог 40  адями пӧлысь тросэз шонер валэктонъёс шедьтыны быгатӥллям. Тужгес но дунъямон соос, кин Интернетэ юрттэтлы ӧз вазиськылы. Тау конкурсамы пыриськемды понна!  Нош вормисьёсты ми бырйим тужгес шаплыосыз пӧлысь. Шаркан ёросысь Ю. Широбокова, Е. Шамаева, В. Кондартьев, Ува ёросысь О. Верняева, Балезино ёросысь Т. Захарова, Дэри ёросысь Н. Кабанова. Вормисьёсын ми одно ик герӟаськомы но вераломы, кызьы луоз кузьыммес басьтыны.

Озьы ик сётӥськом шонер валэктонъёсты.

  1. Фин-угор кылын Россиын трос пӧртэм калыкъёс верасько. Сётэмъёсыз пӧлын — вепсъёс, карелъёс, удмуртъёс, мансиос.
  2. Россиысь пӧртэм улосвылъёсын трос калыкъёс уло. Но Дагестанын гинэ котьку улӥллям 30-лэсь уно калыкъёс. Отын мадёссы но вань: одӥг адями, пе, кылъёсты дуннее вӧлмытъяса, ветлэ вылэм. Но гурезьёстӥ ортчыкуз, песьтэрез пасяськем но, вань кылъёс та интые пазьгиськиллям.
  3. Гиннеслэн рекордъёсын книгаяз сюремын табасаранъёслэн кылзы. Тодосчиослэн эскеремзыя, та кылын 48 падеж.
  4. Поморъёс уло Тӧдьы зарезь дурын. Котькыӵе вакытэ тросгес чорыгаллям, соин ик крепостной право улэ ќз шедьылэ — котьку зарезе пегӟыны луэ вал ук.
  5. Россиын тужгес бадӟымез но вашкалаез мечеть сылэ Дагестан улосвылысь Дербентын. Нимыз — Джума мечеть.
  6. Тодмо ӟуч этнографез Н. Миклухо-Маклаез «Руссиысь Маклай Инмар» шуизы Выль Гвинеяысь калыкъёс. Тодосчи ялан соосты утьыны выриз, азинскем калыкъёсын оградын возиз.
  7. Долганъёс уло балокын, ненецъёс — чумын, украинецъёс — хатаын, тувинецъёс — юртаын, чукчаос — ярангаын, Уйпал Кавказысь калыкъёс — сакляын, ӟучъёс — избаын.
  8. Якутъёслэн эпосъёссы «Олонхо» нимасько. Тужгес кузяз — «Нюргун Боотур Стремительный» кырӟанын — лыдъяське 36 сюрс чур, сое дугдылытэк 7 уй-нунал кырӟало.
  9. Калмыкъёслэн чайзы шыдэз но воштыны быгатэ. Отчы понӥське вож чай, йӧл, сылал, скал вӧй. Луэ на озьы ик ватсаны перец но.
  10. Котькуд калыклэн аслаз бадӟым праздникез. Бигеръёслэн — Сабантуй, ӟучъёслэн — Масленица, якутъёслэн — Ысыах, бурятъёслэн — Сагаалган, еврейёслэн — Песах, чувашъёслэн — Акатуй, калмыкъёслэн — Зул.
  11. Шор Азиын, Ближний Востокын но Кавказын улӥсь калыкъёслэн укылтэм геройзы — Ходжа Насреддин. Со сярысь тодмо 1 сюрс 238 серемес учыръёс.
  12. Удмуртилэн тужгес лымшор интыез — Каракулино ёросысь Зуевы Ключи гурт котырын.
Удмурт Дунне
By Удмурт Дунне 9 марта, 2017 09:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<