Вылӥ дышетсконниослы — 10 миллиард манет, шаерысьтым спортсменъёслы — кизили

Удмурт Дунне
By Удмурт Дунне 23 февраля, 2017 15:45

Дуннеын

Паспортъёс лыдэ басьтӥськозы

Донецк но Луганск калык республикаослэн паспортъёссы табере лыдэ басьтӥськозы Россиын.

Та сярысь указ поттӥз Россилэн Президентэз В. Путин. Отын верамын: таӵе вамыш лэсьтӥське огдырлы, Украинаын югдур тупатскытозь. Зэм, ДНР-лэсь но ЛНР-лэсь документъёссэс странамы азьло но мурт ӧз карылы. Та калык республикаосын улӥсьёслы, кылсярысь, кунгожез выжыны алэмын ӧй вал. Но соос ӧз быгатылэ, шуом, асьме банкъёсысь кредит басьтыны.

ДНР-лэсь ЛНР-лэсь паспортъёссэс басьтэмын ог 70 сюрс адями. Соос пќлын ќжыт ќвќл европаысь кунъёслэн азьвыл гражданъёссы.

Россилэн таӵе вамышез уг кельшы Западысь куд-ог кивалтӥсьёслы. Соос санкциосты азинтонэн кышкатъяло.

Россиын

Сюроно устоосыз пӧлы

Россиысь вылӥ дышетскон заведениосты азинтыны 10 миллиард манетлэсь ятыр чакламын.

Коньдон висъяськоз тужгес азьмынӥсь 21 вузъёслы, ваньмыз сямен соос интыяськемын Москваын, Санкт-Петербургын, Новосибирскын, Казаньын. Списоке сюрон понна соос нимысьтыз вожвылъяськон пыр ортчизы.

Коньдон пичиен-пичиен 2020-тӥ арозь сётӥськоз. Со дырлы  Россиысь 5-ез ке но университетъёс сюрыны кулэ дуннеысь тужгес устоосыз вылӥ дышетон заведениос пӧлы.

Удмуртиын

Кизили дорын

Та нуналъёсы Якшур-Бӧдья черкогуртын ортчо Гурт шудонъёс. Куноослы капчи мылкыд кузьма шудонъёслэн утисьсы Кизили.

Ужрадэ вань ёросъёсысь 902 спортсменъёс люкаськемын. Шудытӥське 46 комплект медальёс. Спортсменъёс сяна, медальёс понна вожвылъяськозы но ёроссылы очко люканы юрттозы ёрос кивалтӥсьёс. Ужрадэз сӥё-дано усьтон ортчоз 23-тӥ феврале 18 часын черкогуртысь стадионын, нош йылпумъяськозы шудонъёс 25-тӥ феврале 14 часын.

Элина КУМАЧЁВА

 

Удмурт Дунне
By Удмурт Дунне 23 февраля, 2017 15:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<