«Удмурт дунне» газет ялэ инкуазез утёнлы сӥзем конкурс

Удмурт Дунне
By Удмурт Дунне 27 февраля, 2017 13:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

2017-тӥ ар Россиын ялэмын Инкуазез утён арен. Соин валче «Удмурт дунне» газет 12-16 аресъем нылпиослы «Ожо-вожо» конкурс ялэ.

Пиналъёс асьсэ быгатэмзэс 2 номинацияя эскерыны быгатозы:

  • Инкуазез утёнлы сӥзем тужгес ӟеч кылбур яке верос гожтоно. Одӥг адями тужгес троссэ 3 ужзэ келяны быгатоз.
  • Инкуазез утёнлы сӥзем тужгес ӟеч проект (акция). Проектэз (акциез) улонэ пыӵатоно но та сярысь вакчияк мадёно. Умой луоз, туспуктэмъёс но келяды ке. Акцие пыриськыны быгатоз быдэс класс но. Но класс 5 адямилэсь бадӟым ке, конкурсэ пыриськем сярысь сертификат быдэс класслы одӥг гинэ сётӥське, 5-лэсь ӧжыт ке — котькудӥзлы.

Конкурсэ ужъёслэн темаоссы таӵеесь луыны быгатозы:

  • Пӧйшуръёсты но соослэсь улон интызэс утён.
  • Транспортлэн укыр трос луэмез но инкуазез кырсёмытон.
  • Нюлэскын астэ шонер возён, сое тылпулэсь утён.
  • Шуръёсты, ошмесъёсты, тыосты утён, вулэн чылкытлыкез сярысь сюлмаськон.
  • Жуг-жагез утялтон (семьяын, школаын, гуртын яке карын жагез утялтон амалъёс).
  • Кылем-мылем арбериослы, жуг-жаг пӧлы куштэм интые, кыкетӥ улон сётон.
  • Луоз асьтэ темадыя но гожтыны.

Конкурслэн положениез.  Тужгес тунсыко ужъёс печатласькозы «Удмурт дунне» газетын. Йылпумъянъёс лэсьтэмын луозы 5-тӥ инвожое — Инкуазез утён нуналэ. Вормисьёс пусъемын луозы пӧртэм кузьымъёсын. Валтӥсез — удмурт нылпиослэн «Шундыкар» лагерязы путёвка.

Ужъёсты келяно «Удмурт дунне» газетлэн редакцияз электрон почта пыр:  udmdunne@yandex.ru яке гожтэтэн таӵе адресъя: Ижевск, К. Маркс ульча, 274 номеро юрт, «Удмурт дунне» газетлэн редакциез.

 

Удмурт Дунне
By Удмурт Дунне 27 февраля, 2017 13:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<