«Удмурт дунне» газет потэ Можга ёросэ

Удмурт Дунне
By Удмурт Дунне 16 февраля, 2017 23:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

17-тӥ тулыспалэ Можга ёросын  удмурт гожъяськонэз утёнъя но азинтонъя «Кыл куазь» проект улсын пумиськонъёс ортчозы. Отчы пыриське «Удмурт дунне» газет но.

Нунал куспын «Кыл куазьлэн» командаез вуылыны чакла Можга ёросысь пӧртэм гуртъёсы. Пумиськонъёс ортчозы:

Пазял школаын. Кутсконэз 12.00 часын.  0+

Уча школаын. Кутсконэз 14.00 часэ. 0+

Тодматском егитъёслы «DART» газетэн, Можгалась «Шунды» огазеяськонлэн ужаменыз, адӟом модельерлэсь Татьяна Москвиналэсь дэремъёссэ, кылзӥськом Финляндиысь лекторез Эса-Юсси Салминенэз.

Можгалась Н. Байтеряков нимо  лыдӟиськон юртын. Тодосчиен Александр Шкляевен пумиськон.  Кутсконэз 14.00 часын. 0+

Бадӟым Сибысь но Бадӟым Кибьяысь калыкен пумиськозы Алексей Шкляев, Zheni Chudja, «Кенеш» журнал, «Удмурт дунне» но «Ӟечбур!» газетъёс. Вераськон мыноз туала удмурт  культура, гожъяськон удыс сярысь.

Можгалась лыдӟиськон юртын. Вылӥын верам дано адямиос, газет-журналъёс, огазеяськонъёс пумиськозы Можга карысь калыкен. 0+

Шаерысьтымы тодмо гожъяськисьёс, тодосчиос, журналистъёс калыкен пумиськонъёсы потало.

Тодады вайытӥськом, «КЫЛ КУАЗЬ» проектэз радъя Историяя, кылъя но литературая институт удмурт литератураез но кылэз азинтон понна. Озьы шаерысьтымы тодмо гожъяськисьёс, тодосчиос, журналистъёс калыкен пумиськонъёсы потало. Туннэ нуналлы пумиськонъёс ортчизы ни Эгра, Шаркан, Балезино но мукет ёросъёсын. «Кыл куазь» проект кыстӥськоз 9 ар, озьы радъясьёс сӥлы каро удмурт грамматтикалэсь кылдэм дырысен 250 ар тырмонэз. Со потӥз  1775-тӥ арын В. Пуцек-Григоровичен.

УД

Удмурт Дунне
By Удмурт Дунне 16 февраля, 2017 23:06