Таджикистан юрттэт куре, Дальний Востокын музъем сётъяло…

Удмурт Дунне
By Удмурт Дунне 3 февраля, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Дуннеын

Возьмало юрттэт

Таджикистан, юрттэт курыса, быдэс дуннелы вазиськиз, ас кужмыныз инкуазьлэсь шуэръяськемзэ уз вормы шуыса.

Гурезьёсын лымы туж трос усиз. Соин ик тулыс гуртъёс вылэ лымы васькоз шуыса кышкытлык кылдӥз. Туннэ сыӵе шуэрес учыръёслэсь быремъёс вань ни.

Тулыс вуэн нюръяськыны кулэ уксё но, ужась киос но. Соин Таджикистан оске мукет кунъёслэн юрттэмзылы.

Россиын

Дунтэк гектар

1-тӥ тулыспалысен «дальневосточной гектар» сярысь законлэн 3-тӥ люкетэз быдэсъяськыны кутскиз.

Соя Россиысь котькуд  адями Дальний Востокын дунтэк одӥг гектар музъем басьтыны быгатэ.

Музъем сётӥськоз 5 арлы. 5 ар ортчыса, аналтэмын ӧз луы ке, сое арендае яке пыраклы аслыд басьтыны луоз. Отчы луоз пуктӥськыны но, мерттыны-кизьыны но, туризмен но вырыны.

Дунтэк музъем басьтон понна куриськон гожтыны луэ «НаДальнийВосток.РФ» федерал система пыр, озьы ик заявкаосты куто МФЦ-осын но муниципал кылдытэтъёсын.

Удмуртиын

Ужпумъёс пуктэмын

Удмуртие вуылӥз Россиысь Тазалыкез утёнъя министерствоысь делегация. Сое татчы ӧтиз Кун Думаысь депутат  А. Исаев.

Министрлэн воштӥсез Т. Яковлева, Москваысь вуэм мукет кивалтӥсьёс тодматскизы Ижысь больницаосын, вуылӥзы туберкулёзэн висисьёслы Ижын пуктӥськись диспансере. Удмуртилэн Тӧроеныз А. Соловьевен пумиськон дыръя Т. Яковлева шуиз: вож нуныосты утьыны быгатонъя, кадръёсты дасянъя, больницаослэсь ужзэс радъянъя быдэс Россилы адӟем карымон луиськоды. Соин ик нылпиос пӧлын кулон учыръёс Европаын кадь ӧжыт луыны кулэ. Больницаосысь регистратураослэсь ужзэс радъяно на.

Тубдиспансер пуктонэз министерство умоен лыдъяз. Ваньзэ лэсьтоно сое федерал программае пыртон понна, шуиз А. Соловьев. Лэсьтӥськон усёз ог 800 миллион манет тыр.

 

Удмурт Дунне
By Удмурт Дунне 3 февраля, 2017 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<