«Шунды» пыриськиз егитъёслэн «PRорыв» фестивалязы

Удмурт Дунне
By Удмурт Дунне 1 февраля, 2017 14:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Адямиос чылкак уг тодо вал «Шунды» сярысь, маин ми выриськом, кыӵе ужрадъёс ортчытъяськом. Нош табере, оло, милемын эшъяськозы но.

«Шунды» огазеяськон пыриськиз шаерысьтымы егитъёслэн «PRорыв» фестивалязы. 25-тӥ-29-тӥ толшоре «Дружба» лагере люкаськылӥзы мерлыко огазеяськонъёсы пыриськись егитъёс.

Уноез — школаын дышетскисьёс. Уго макем вазьгес егитъёс валаны кутскозы, кызьы азинтыны огазеяськонэз, кыӵе туала амалъёсты кутоно, проектъёсты малпано, сокем чалякгес будоз огазеяськон. Талы ик сӥземын вал мастер-классъёс, тренингъёс.

Фестивале люкаськизы  шаерысьтымы 13 огазеяськонъёсысь егитъёс. Мастер-классъёсын, тодон-валанзэс будэтэм сяна, соос ог-огзылэсь но дышетскизы.

— Табере ми сярысь но мукет организациос тодо, — вера Алёна Глухова. —   Адямиос чылкак уг тодо вал «Шунды» сярысь, маин ми выриськом, кыӵе ужрадъёс ортчытъяськом. Нош табере, оло, милемын эшъяськозы но.

«Шунды» огазеяськон дышетскон но дышетон ужез азинтыны малпа. 15-тӥ тулыспалэ «Вуюись» семинаре люкаськозы ёросъёсысь азьветлӥсьёс. Егитъёсты дышетозы, кызьы проектъёс гожъяно, грантъёс утоно, вотэс бамъёсты но туала амалъёсты уже кутоно. Соку огазеяськон ас пуртыяз уз пӧзьы ни, со сярысь быдэс дунне тодоз, ужаз тросгес егитъёс кыстӥськозы. Уго иворлэн кужмыз котьку бадӟым вал.

Мария Векшина

Удмурт Дунне
By Удмурт Дунне 1 февраля, 2017 14:08