Шумпотонлэсь трос сюлмаськонъёс

Удмурт Дунне
By Удмурт Дунне Февраль 9, 2017 15:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гуртъёсын кылдэм югдурен тодматӥзы куд-ог муниципал кылдытэтъёслэн йыръёссы. 

Шаркан ёросысь Вортча муниципал кылдытэтлэн йырыз Нина Дресвянникова:

— Та вакыт уката сюлмаськытэ жуг-жаген кылдэм югдур. Санэпидемстанция милемыз куре сое нимысьтыз чаклам интые поттыны. Азьвыл жагез Шарканэ нуллӥськом вал. Но али вераны ум тодӥське, кытчы поттом гуртын люкаськем силёмес.

Озьы ик ялан ёрмиськом сюресъёсмес лымылэсь мычыны. Талы висъям коньдонмы уг окмы. Ярам, муниципал кылдытэтамы сюресъёсты пунэмен утялто эштосъёс.

Но сюлмаськонъёс радын шумпотонъёсмы но вань. Тани 2011-тӥ арын 3 гуртэ чагыр эстӥськон вуиз. 2012-тӥ арын сӥзьыл выль школа усьтӥм, нош декабре — 60 пиналлы нылпи сад. «Гурт сюресъёс» федерал программая 2014-тӥ арын лэсьтӥмы 1,5 километр сюрес, 2015-тӥ арын — 5 иськем. 2016-тӥ арын кылдӥз выль ФАП. Туэ эшшо огзэ усьтыны чакласьком.

Вавож черкогурт муниципал кылдытэтлэн йырыз Владимир Добрых:

— Муниципал кылдытэтам пыре 5 гурт, отын улэ 7 сюрс пала адями. Вавож ёрос ӟеч эштосъёсыныз тодмо ке но, милям муниципал кылдытэтамы гурт удыс азинскемын ӧвӧл. Данакез палэнэ ужаны ветло. Калыклэн шорлыдын уждунэз 12-13 сюрс котырын. Соин выль юртъёс ӝутӥсьёс вань ке но, лэсьтӥськон ужъёссы туж секытэн мыно.

Туэ бадӟым малпанъёсмы Вавож черкогуртэз выльдонэн герӟаськемын. Татын вань Шанхай нимаськись инты. Отын данак адями улэ, но сюресъёссы уродэсь, умой-умой нылпи площадка но ӧвӧл. Чакласьком туэ отчы пичиослы шутэтскон инты лэсьтыны, сӧриськем сюресъёсты щебенен вӧлдыны. Али кутскимы ни талы пичиен-пичиен кӧльы дасяны. Лымы шуназ ке, ужъёс борды кутскомы, малпасько.

Черкогуртысь шутэтскон паркмес утялтон борды басьтӥськимы. Отчы сюрес лэсьтӥм, тыл кыским, кылиз на нылпиослы шудон площадка тупатыны. Вуж аэропорт котырын улӥсьёслэн сюлмаськонзы — тротуарзы ӧвӧлэн ог 500 метр сюрес дуртӥ ветлоно луо. Ӝоген та югдурез но тупатыны быгатом шуыса, малпасько.

Глазов ёросысь Октябрьской муниципал кылдытэтлэн йырыз Надежда Сабрекова:

— Поселениын трос куашкан калэ вуэм коркаос. Тани Октябрьской каргуртысь пу коркаос войналэсь азьвыл пуктэмын, соослэн липетъёссы но, борддоръёссы но куашкало ни. Ярам, федерал программая кылем арын 8 квартираем корка ӝутӥськиз Трубашурын, Октябрьской каргуртын 2 семья корка пырон кариз. Таяз арын но оскиськом, эшшо кӧня ке семья улон интызэ воштыны быгатоз шуыса. Нош оглом учконо ке, ог 10 процентэз коркаосмы улыны уг тупало ни.

Муниципал кылдытэтын 2 сюрслэсь ятыр адями улэ. Вань 2 школамы, нылпи садмы, колхозмы. Ог 200 пала адями гурт удысын тырше, мукетъёсыз, Глазовлы матын улӥськом бере, городэ ужаны ветло. Дорамы ужало губи будэтонъя, мебель лэсьтонъя предприятиос.

Гуртоос понна зол сюлмаське колхозмы но. Солэн тыршемезъя сюресъёсмы сузясько.

Калыкен ӵош, калык понна

Ангелина Снигирёва

Удмурт Дунне
By Удмурт Дунне Февраль 9, 2017 15:32 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<