Шаерысьтымы «Огъя Россия» партие 270 вазиськон вуиз

Удмурт Дунне
By Удмурт Дунне 7 февраля, 2017 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кылем арня вискын «Огъя Россия» партилэн шаерысьтымы приёмнойёсаз меӵак телефонэ 270 вазиськон вуиз.

Тужгес трос вазиськизы партилэн Ижысь приёмнояз. Татын уго меӵак герӟаськыны луиз калыкез утён, семья но демография политикая министрлэн воштӥсеныз Елена Саламатоваен. Елена Германовна верамъя, адямиосты  сюлмаськытэ улон интызэс умоятонэн герӟаськем ужпум. Берыктонтэм вылысь сётӥськись субсидия вань, но висъяське со трос нылпиё но начар улӥсь семьяослы. Озьы миым 39 семья куспын 20 миллион манет люкемын вал. Черодын эшшо 1,5 сюрс семья. Туэлы чакламын 20 миллион манет. Со сяна, улон интыез умоятон вылысь сётӥське 5 процентъем займ.  Кылем арын сое 63 семья басьтӥз. Но берло дыре адямиослы тунсыкогес мукетыз — дунтэк музъем. Солы 5 сюрс куриськон ёросъёсысь администрациосы вуэмын. Миым 2 сюрс 343 семья кесэг басьтӥз. Та юрттэтъёсты басьтон вылысь вазиськоно ёрос администрациысь калыкез утёнъя ёзэтэ.

Озьы ик  меӵак телефонъя визь-кенеш сётӥз шаерысьтымы Медико-социальной экспертизая валтӥсь бюроен кивалтӥсь Екатерина Мухаметгалеева. Со верамъя, куд-ог учыръёсы интыосысь больницаос пӧртэм мугъёсъя висисез бюрое уг ысто, группа сётон пумысен уг бызьыло. Но сыӵе дыръя бюрое котькудӥз ачиз вазиськыны быгатэ, котькудӥзлэсь учырзэ татын нимысьтыз эскерозы. 20 процентаз учыръёсын группа сётӥськомы, шуэ Е. Мухаметгалеева.

«Огъя Россия» партилэн улосысьтымы приёмноеныз кивалтӥсь Светлана Кривилёва верамъя, вуоноез меӵак телефон радъяськоз 16-тӥ феврале. Со сӥземын луоз тазалыкез утёнлы.

 

 

 

Удмурт Дунне
By Удмурт Дунне 7 февраля, 2017 14:30 Updated