Путин, Пушкин но «Удмурт Кенеш»

Удмурт Дунне
By Удмурт Дунне Февраль 23, 2017 15:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Зинаида Рябинина, валтӥсь редактор

Кызьы малпаськоды, мар огазея таосты? Политика? Литература? Э, ма, патриотизм ук — анай кылэз гажан!

Озьы но, ӧвӧл но. Анай кыллэн но Атыкай музъеммес утисьёслэн нуналъёссы азьын таӵе валэктонъёс зэмзэ но туж тупамон. Кудӥз ке ассэ быдэсак сӥзиз политикалы, мукетыз — литературалы, куинетӥез — удмуртлыкез, анай кылэз утёнлы, озьы-а, тазьы-а, ваньмыз со  герӟаськемын.

Но вань на эшшо одӥг огазеясь тодметсы — янгыш луон. Котьку, котькыӵе учырын, котькин понна. Тодӥсько на: школаысен ай «кин янгыш?» шуэмлы дышетӥсьёс асьсэос серем пыр «Пушкин» шуылӥзы. Валамон ини, зэмзэ нокин озьы ӧз лыдъялля. Путинэн секытгес. Россилэн Президентэз кунсьӧръёс понна — зэмос тушмон. Табере дуннеысь вань кайгуос «соин йырин» луо.

Нош удмуртъёслэн мазы ке уг пӧрмы ке, кин янгыш? Тодӥды — «Удмурт Кенеш»!  Озьы лыдъя егитэз но, 75 аресъемез но. Нокинлэн тодэмез уг поты: «Удмурт Кенеш» — со Удмурт Элькун Кивалтэт ӧвӧл, со общественной огазеяськон. Но асьмелэн тросэз-а марзэ-созэ валаны туртто?

Алигес сюри нимо-дано арлыдо удмурт адямиос пӧлы. Вераськон сямен тодазы вайизы  улонысь ас мылкыдызъя вазь кошкем эшсэс. Визьмо, таланто вал. Но ӵем курадӟылӥз секыт мылкыдын, соин йырин юон пӧлы выйылӥз, улонэз ӝыныё уриськиз. Жаль, сюлмысь жаль. Нош тодӥськоды-а, кин янгыш? «Удмурт Кенеш», пе… Мар, пе, со каре, малы уг утьы ӟеч адямиосты? Вождэс эн вае, но, нырысь ик, верано учыр 18 ар талэсь азьло вал ни, кыкетӥез — адями ноку ӧз тунсыкъяськылы «Удмурт Кенешен», ноку ӧз вераськылы удмурт кылын. Ваньмыз та сьӧлык ӧвӧл — котькудӥз аслыз ачиз кузё. Соку малы янгыш муртэ утчанэз? Мон оскисько, со адями ноку ӧй пыкылысал мукетъёссэ, соку малы эшъёсыз, кудъёсыз сое утьыны кулэ вал кадь, весь тушмон утчало на?

Зэмзэ вераса, та номерын «Удмурт Кенешез» данъян сярысь мон ӧй малпаськы, воргоронъёсты њечкыланы ќдъясько вал, но сыӵе вераськемъёс бере юам потӥз: нош кызьы утиськоды удмуртлыкез тӥ?

Атыкай музъеммес утисьёслы — дан! Уте милемыз но, асьтэдыз но!

 

Удмурт Дунне
By Удмурт Дунне Февраль 23, 2017 15:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<