Пурга батыръёс

Related Articles

• Шур ӧръямын 0 04.Апр
• Учкись бурдъя. «Айкай» ансамбльлы тырме 25 ар 0 03.Апр
• Кыӵе визькылъёсты но лэчыт кылъёсты бичаз Кузебай Герд? 0 28.Мар

Вожвылъяськон тунсыко ортчиз.

Пичи Пурга культура юртын ортчем «Батыр пи» ёрос вожвылъяськонэ пӧртэм школаосысь бадӟым классъёсын 11 дышетскись пиос пыриськизы.

Соос сьӧразы эшъёссэс, дышетӥсьёссэс, ӵыжы-выжыоссэс вайиллям.  Вожвылъяськон тунсыко ортчиз. Пиос кырӟаны, вераны, эктыны быгатэмзэс возьматӥзы, инкуазь, удмуртлык сярысь юанъёслы валэктон утчазы. Батыр пи луыны шуд усиз Гожня школаысь Владимир Кудяшевлы. Шаплы но визьмо луэменыз солэсь трослы ик бере ӧз кыльы Улын Юриысь Дмитрий Григорьев. Куинетӥ интыез утӥз Бобья-Уча школаысь Станислав Вологжанин. Учкисьёс но тужгес шаплызэ но визьмозэ пияшез синйылтӥзы — синмаськемзэс веразы Выль Мӧньяысь  Михаил Егоровлы.

— Мон куинетӥ арзэ ини «Батыр пи» ёрос вожвылъяськонын жюриын пукисько, — вера Пичи Пурга ДОСААФ-ен кивалтӥсь Анна Мельникова. — Татчы пырисько котыр ласянь быгатӥсесь но шаплыесь пиналъёс. Соос сцена вылын асьсэды артистъёс кадь возьыны быгато ини. Котькудзы ик, удмурт дэрем дӥсяса, тапыр гинэ экто, тросэз, асьсэос ик гитараен но арганэн шудыса, кырњало, крезьгуръёс но кылбуръёс гожъяло. Устоосыз пӧлысь устооссэ туж секыт вал бырйыны.

8-тӥ Март азьын таӵе ик вожвылъяськон радъяськоз ёросысь бадӟым классъёсын дышетскись нылъёс куспын.