Пӧртэм кылын 18 кылбур

Удмурт Дунне
By Удмурт Дунне 23 февраля, 2017 11:24

Иракысь Араб кылын кырӟась пияш, Африкаысь йоруба кылын вераськись ныл, Украинаысь куно но трос мукетъёсыз шулдыртӥзы Кузебай Герд нимо Йӧскалык музейын ортчем «Лыдӟиськом» ӝытэз. Ужрад сӥземын вал Анай кыллэн калыккуспо нуналэзлы.

Отын чузъяськизы удмурт, бигер, коми, азербайджан, узбек, туркмен, украин, француз, араб, немец, корей но йоруба кылъёсын 18 кылбуръёс. Лыдӟисьёс пӧлын вал музейын ужасьёс, Удмурт кун университетын но Ижкарысь медициная кун академиын кунгож сьӧрысь дышетскисьёс, пӧртэм йӧскалык огазеяськонъёсысь азьветлӥсьёс.

Лыдӟиськыса гинэ ӝыт ӧз йылпумъяськы. Нырысь вань люкаськемъёс дышетскизы удмурт сямен тыпыртыны, нош собере чай юон висказы, ог-огенызы тодматскизы но трос тунсыкозы тодӥзы. Кылсярысь, Аяд лыктэм Удмуртие Иракысь мувӧй ужлы дышетскыны, малы ке шуоно солэн куназ асьме диплом вылӥ дунъяське. Азербайджанысь Сурайя но Шабнам одно ик ас выжыысьтызы пиослы бызёзы, пе, угось озьы косо соослэн сямъёссы. Пӧсь Африкаысь Саралы но Аминалы туж кельше шаерамы, но кезьытлы дышыны нокызьы ӧз быгатэ на. Воксё кезьыт кариськыку, нылъёслэн йырзы висе, пе.

Нырысь вань люкаськемъёс дышетскизы удмурт сямен тыпыртыны, нош собере чай юон висказы, ог-огенызы тодматскизы но трос тунсыкозы тодӥзы.

Егитъёс выльысь тазьы ик пумиськыны кенешизы.

Виктория Габова

Туспуктэмъёс: nmur.ru

Удмурт Дунне
By Удмурт Дунне 23 февраля, 2017 11:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<