Лыдӥсь килы — пытсэт

Удмурт Дунне
By Удмурт Дунне Февраль 3, 2017 17:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Шаерысьтымы югдурез утён удысын ужасьёслэн ивортонъёссыя,  арня ӵоже гинэ кӧня ке мурт кырмемын вал лушкаськемез понна.

Якшур-Бӧдья ёросысь 25 аресъем водитель, предприятиысьтызы дизель эстӥськон вузанъя 2 картаез лушкаса, кӧня ке нунал ӵоже автозаправочной станциосын дальнобойщикъёсты сюрес вылэ «келялляз». Озьы со предприятилы 170 сюрс манет тыр изъян вайиз. Полицейскойёс лушкаськисез кырмизы АЗС-ёсысь видеокамераосъя. Йыртэмась шедиз уголовной кыл кутонэ, со 2 арлы пытсэт сьӧры шедьыны быгатоз.

Нош Ижысь одӥгаз заводын ужась 22 аресъем пияшлэн киыз лыдыны кутскем, городысь одӥгаз банкын черодын сылыкуз. Азяз сылӥсь 2 егит нылъёслы банкомат коньдонзэс поттыса гинэ вуттћз, йыртэмась манетлыкъёсты киысьтызы ишкалтӥз но пегӟиз. Видеокамералэн гожтэмъёсызъя но лушкаськисьлэн кибервылызъя полицейскойёс шырмачез квартираысьтыз кырмизы. 85 сюрс манет лушкам коньдонэн кредитсэ ворсаны  но квартираез понна дун тырыны вуттэм. Табере возьма уголовной кыл кутонэз.

Сарапулысь шырмачлэн ки улаз сюриз 69 аресъем песянай. Нокытын ужасьтэм, азьвыл пытсэт сьӧрын пукылэм 26 аресъем пимурт нылкышнолэн киысьтыз коньдонэн, телефонэн но документъёсын сумказэ ишкалтӥз.  Нош Ижысь пытсэт сьӧры шедьылэм 36 аресъем монтажник пеймыт куазен егит ныллэсь  документъёсын но коньдонэн сумказэ киысьтыз ишкалтӥз. Югдурез утисьёс кыксэ но  шырмачъёсты кырмизы, табере соосты нош ик возьма кечат-вамат укно.

Камбарка городысь 59 аресъем воргорон синмаськем одӥг кафелэн гардеробысьтыз дублёнкалы. Но шуныт дӥськут сое шунтыса ӧз вутты, пытсэт сьӧрын азьвыл пукылэм воргоронэз ӝог кырмизы. Кыл кутонлэсь уз пегӟы Воткаысь нокытын ужасьтэм но азьвыл пытсэт сьӧрын пукылэм 38 аресъем воргорон но.  Тунгонэз тӥяса, одӥгысьтыз коркась со поттэм газ баллон но дӥськут. Лушкаськиз 4 сюрс манет тыр, нош пытсэт сьӧры шедьыны быгатоз 5 арлы.

Шӧкыч уром

Удмурт Дунне
By Удмурт Дунне Февраль 3, 2017 17:09 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<