Кыӵе ужпумъёс бордын ужало Кун Думае быръем депутатъёс?

Удмурт Дунне
By Удмурт Дунне 10 февраля, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кун Думалэн Тӧроезлэн воштӥсез А. Исаев пусъе: Россилэн экономикаяз Удмуртия шӧдскымон инты басьтэ.

Кун Думае быръем депутатъёс нош ик шаерамы вуизы. Берло толэзь ӵоже мар бордын ужазы?

Андрей Исаев Уголовной кодексысь 116-тӥ статьяе пыртэм воштонъёсын тодматӥз. Азьвыл семьяын жугиськон понна уголовной кыл кутон улэ кыско вал. Табере кизэ вуттэм мурт административной амалэн кыл кутоз: 15 нуналлы пытсэт сьӧры келялозы, 30 сюрс манетозь штраф тырытозы. Ар ӵоже эшшо жугиськиз на ке, соку уголовной кыл кутон улэ кыскозы ини. Зэм, мыжгаськись мурт ӵыжы-выжыезлы изъян вайиз ке, адямилэн висьыса огвакытэ ужамез ӧз луы ке, соку ик уголовной уж ӝутозы.

Туэ 1-тӥ мартэ быре дунтэк приватизация ортчытыны луонлык. Зэм, Крымысь но Севастопольысь калыклы, сирота нылпиослы, куашкан калэ вуэм коркаосын улӥсьёслы юртсэс асэстыны луонлык сётэмын 2020-тӥ арозь. Андрей Исаев верамъя, кык берло категориосысь адямиослы, оло, юртсэс асьсэ вылэ дунтэк гожтыны азьланяз но лэзёзы. Туала вакытэ уго, кылсярысь, сиротаослы улон сэрег сётӥське социальной найм программая. Чакламын со 5 арлы, собере гинэ сирота сое ас вылаз гожтыны быгатэ. Дунтэк приватизация пумтэм луыны уг быгаты. Частной квартираос сяна, луыны кулэ муниципальнойёсыз но. Дунтэк приватизацилы пум вуиз ке, соку, оло, муниципалитетъёс но пуктӥськыны кутскозы, квартираосты арендае сётозы, шуэ А. Исаев.

Валерий Бузилов, Вытъя кодексэз радъян бордын ужам сяна, мыло-кыдо басьтӥськиз Ижысь Ярушкин дендропаркез утён борды. Татысь музъем тужгес утёноосыз пӧлы пыртэмын ке но, со шоры учкылӥсьёс шедиллям. Пуктӥськонэз дугдытон вылысь нимысьтыз группа кылдытэмын. Дендропаркез город администрация киысь басьтэммы, сое республикалы сётэммы потэ, шуэ В. Бузилов.

Елена Сараматова

Удмурт Дунне
By Удмурт Дунне 10 февраля, 2017 15:00 Updated