Кыӵе пӧртэм фин-угоръёс!

Удмурт Дунне
By Удмурт Дунне Февраль 17, 2017 13:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртъёс — сюлмоесь, трос уг верасько, дӥсьтӥсьтэмесь.

Яратӥськом ми Комиысь Олёна эшеным олокин но оломар сярысь супыльтыны. Со фин-угоръёсын кемалась эшъяське. Асьме выжыысь пиослэсь сямъёссэс ӟеч тодӥсько, пе.

 Удмуртъёс — сюлмоесь, трос уг верасько, дӥсьтӥсьтэмесь. Вырӟо, асьсэлы туж кулэ ке, мукет дыръя гань-гань пукозы. Вӧзазы зол кышномурт луыны кулэ.

Комиос — ӧжыт верасько но трос лэсьтыны тыршо. Мае ке уг пӧрмыто ке — озьыен, соослы со кулэ ӧвӧл. Ӝутско-вырӟо озьы ик секытэн.

Поръёс — «пӧйшурасьёс». Синъёссы отчы-татчы мертчыло, чеберзэгес дусым утчало (амалзы луысал ке, огвакытэ кӧня ке кышно возьысалзы, дыр). Чебер верасько. Шаплыесь. Ачид соосын кивалтыны кутскид ке — тыш сиёд.

Эрзяос но мокшаос (мордваос) — калык азьын чебер вераськыны быгато,  малпанъёссы бадӟымесь, но соосты улонэ пыӵатыны уг дырто.

Карелъёс — ваменэсэсь, вераськисесь. Ас азязы ужпум пукто ке — одно быдэсто. Котьку тодо, мар соослы кулэ.

Хантъёс но мансиос — ас пушказы ворсаськемын. Али но матын инкуазьлы, тундралы, соин фин-угор ужрадъёсысь соосыз шер пумиталод.

Финъёс — мыло-кыдоесь. Трос ужало, кылъёссэс тӧлъя-буръя уг лэзьяло.

Эстонъёс — интеллигентъёс.

Мадьяръёс — визьмоесь, пӧлазы трос тодосчиос. Но соос асьсэ понназыгес уло, мукет фин-угоръёс борды матэ уг карисько.

Чунчобей

 

Удмурт Дунне
By Удмурт Дунне Февраль 17, 2017 13:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<