Куртчод оло кортӵогалод?

Удмурт Дунне
By Удмурт Дунне 2 февраля, 2017 16:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Художник, пе, сютэм луыны кулэ… Дунтэмен тазьы сюдӥзы ке, суредаськем но уз поты ни.

Картинаосылы рамка лэсьтыны пулъёс (багет) утчаса, Ижысь «Юный техник» магазинэ кожай.

Ӧй шедьты. Транспорт дугдылон пала вамыштӥ но егит пияшлэн бордаз ошем ялонэз адӟи: багетъёслэн дунзы, пе, ӝынылы кулэсмемын. Э-э, шумпотӥ ук! Дораз матэктӥ но юасько, кытын сыӵе вуз вань шуыса. Киыныз пекарня шоры возьматӥз.

Вамышъян сямен ас поннам малпасько, ма, пыжиськемен вуз карон юртэ лэсьтӥськонъя сэрег усьтӥллям шат? Пырыса вуз карисьлэсь багет юасько. Пыжиськемъёс шоры возьматыса, шуэ: кыӵеез, пе, тӥледлы кулэ, колбасаен яке майонезэн? Пуллэсь кулэ вал, рамка лэсьтыны, мазэ-созэ валатэк, шуисько. Вузаськись серекъямысь валай ини юмоке шедемме. Багет нимын ик булка пумысь малпан йырам воксё ӧз шуккы уго.

Та учыр сярысь тодмоелы верай. Ма, о-о, мынам но, пе, юмоке шедьылэме вань. Булкалы пырыса, багетной мастерское ӧй-ась, пе, шедьы. Шуэ, паймеменым пыри вал, марлы меда пыжиськисьёслы мастерской кулэ?

Шӧкыч уром

 

Удмурт Дунне
By Удмурт Дунне 2 февраля, 2017 16:48