Кин со — зэмос удмурт воргорон?

Удмурт Дунне
By Удмурт Дунне Февраль 26, 2017 15:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туэ пумиськонэ ӧтемын вал Ува ёросысь Узей-Тукля черкогуртысь усточи Геннадий Сидоров.

Арлы быдэ 23-тӥ тулыспалэ Тодосчиослэн юртазы радъяськылэ Атыкай музъеммес утисьёслы сӥзем  праздник. Туэ пумиськонэ ӧтемын вал Ува ёросысь Узей-Тукля черкогуртысь усточи Геннадий Сидоров. 

Скульптор, Удмурт Элькунысь культура удысысь дано ужась пумиськонэ  кузпалэныз Надежда Родионовнаен лыктӥз. Соос пулэсь вӧлэм киужъёссэс вайиллям,  адӟытон дасяллям. Тодосчиослэн юртазы лыктэмъёс художниклэн биографиеныз тодматскизы. Экран вылын возьматэмын вал армие ветлэм фотоосыз, спорт удысэ кыстӥськемез, УдГУ-ын дышетскемез, вожвылъяськонъёсы ветлэмез. Усточизэс сӥлы каремзэс возьматон понна Ува ёросысь лыктӥзы иськавынъёсыз, эшъёсыз, ӵыжы-выжыосыз — быдэс автобус тыр! Люкаськем калык абдраз скульпторлэн быгатонэзлы: солэн киужъёсыз угось выжыкыл дуннее вутто — сокем быгатыса лэсьтэмын! Солэн скульптураосыз вань Эгралась Н. Витруклэн музеяз но, Йӧскалык музейын но, Киужъёсъя элькун юртын но, Ува музейын но, Президентлэн резиденцияз но. Салехардысь но Саранскысь вожвылъяськонъёсы, фестивальёсы пыриськыса, со бертӥз данъян грамотаосын но кузьымъёсын.

2002-тӥ арысен Г. Сидоровлэн кичӧлтэмезъя Удмуртиын арлы быдэ ортчылэ пуэн ужась усточиослэн вожвылъяськонзы. Табере Геннадий Евгеньевичез, элькунамы сяна, быдэс Россиын но, кунгож сьӧрын но тодо.

Усточизэс сӥлы каремзэс возьматон понна Ува ёросысь лыктӥзы иськавынъёсыз, эшъёсыз, ӵыжы-выжыосыз — быдэс автобус тыр!

Кытысь сомында лулкужымез адямилэн? Семьяез но воргоронлэн удалтэмын. Кузпалыз Надежда Родионовна картэзлы юрттон понна юромо дышетскем куиськыны. Вань ужзэс котьку кенешыса лэсьто, нылъёссэс яратыса, ужлы дышетыса, будэтӥзы. Геннадий, 10-тӥ классын дышетскыкуз ик, пуктэм ни мунчо, нош студент дыръяз ӝутэм корка! Вераськемзэ кылзэм бере малпан кылдэ: со туж тырше вераны удмурт йылолъёсыз утён сярысь. Калыксэ данъямез, Тукля воршудзэс утемез, удмурт выжызэ яратэмез, солы сюлэмзэ сётэмез — ваньмыз со ӝутэ, луоз, солэсь удмуртлыксэ но адямилыксэ. Сюлмыз но, киыз но зарни, солэсь но ӟеч адями уг луы ни, шуизы эшъёсыз со сярысь пумиськонын.

Юлия РАЗИНА

Туспуктэм: snioo.ru

Удмурт Дунне
By Удмурт Дунне Февраль 26, 2017 15:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<