Кин со — Инмар?

Удмурт Дунне
By Удмурт Дунне 9 февраля, 2017 17:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Вань книгаосты лыдӟем адями — Инмар. Уго со ваньзэ тодэ. Сое валаны луэ Латинской Америкаысь гожъяськисьлэн Хорхе Луис Борхеслэн «Вавилонская библиотека» веросысьтыз.

«Вавилонская библиотека» веросъя лэсьтэм суред.

Борхес матын удмурт литературалы, со гожъяськыку, Латинской Америкаын магической реализм азинскиз, та ӧр — этнофутуризмлэн «агаез», шуыны луоз. Со вакытэ ик Аргентинае каллен пыӵаны кутскизы Америкаысь постмодернизм но Франциысь постструктурализм. Та ӧръёслэн ваче шуккиськемзы ик вордӥз, дыр, Борхеслэсь малпанзэ: дунне — со пумтэм библиотека, отын арысь аре выль, но со дыре ик номыр выльзэ сётӥсьтэм книгаос кылдо. Малпанъёс, сюжетъёс выжо книгаысь книгае. Нош вань та книгаосты лыдӟем адями — Инмар.

Тӥ, оло, авторен соглаш но уд луэ, вань сюжетъёс гожтэмын ни шуыса, но берло дыре котькытысь кылыны луэ: арысь аре выль книга уг кылды, ми выльдӥськом азьвыл гожтэмъёссэ гинэ. Малпанъёсты ми кылъёс пыр вераськом. Но букваос, кылъёс пӧртэм сямен радъясько, пуксё. Кылсярысь, асьмелэн 36 буквамы, соослэсь кылдэм кылъёс пумтэм луыны уг быгато. Со сяна, Борхес библиотеказэ тазьы суреда: отын 6 ӝажыен висъетъёс, котькуд ӝажыын 20 лёгетэз, котькуд лёгет вылын кылле 32 книга. Котькуд книгаын 410 бам, бамын — 40 чур, чурын — 22 буква, точка, запятой но пробел. Озьыен, пумтэм библиотекалэн вань пумыз.

Туала вакытэ вераськон — тавтологиосы выён, малпа Борхес. Тӥ чаклады ни-а, кылсярысь, укно сьӧрын толалтэ шунды кезьыт пиштэ ке, йыре лыкто А. Пушкинлэн кылъёсыз: «Мороз и солнце, день чудесный». Нош асьмеос гожтоно кариським ке та темая ик кылбур? Яратонмылы чебер чуръёс малпаны кутскиськом но, йырын, муш палэп кадь, соку ик берганы кутско «я вас любил, любовь еще быть может» яке «яратон — чагыр кышет» но мукет. Тодмо чуръёс аслад малпанъёсыдлы улыны куддыр маза но уг сёто. Зэм но, даурысь дауре выжись кылтэчетъёс, малпанъёс йырын, Вавилонысь башня дорын кадь ик, резь-куаж потто.

Но сюроз меда та дунне вылын вань книгаосты, вань сюжетъёсты тодӥсь адями? Со понна улонлэсь но кема улоно ук.

МАЛПАСЬКИСЬ ОРИНА

Удмурт Дунне
By Удмурт Дунне 9 февраля, 2017 17:23 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<