Иосиф Бродский. Сюресъёс но шуръёс

Удмурт Дунне
By Удмурт Дунне Февраль 6, 2017 17:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Иосиф Бродский.

Удмурт кун филармонилэн сцена вылаз ортчиз туж аспӧртэмлыко концерт — «Реки и улицы. Иосиф Бродский. Путешествие по смыслам и звукам».

Проектлы таӵе ним сётӥз Москваысь «Современник» театрысь актёр, «9 рота» киноын шудэм Артур Смольянинов. Со туж яратэ но гажа И. Бродскийлэсь поэзизэ. Проектсэ кылдытон борды кыскем эшсэ,     П. Чайковский нимо калыккуспо конкурслэсь лауреатсэ, виолончелистэз Борис Андриановез. Ӝыны час ӵоже кылдӥз, пе, та композицизы. Берлогес ини бордазы итӥськем фортепианоен шудӥсь Валерия Коган. Со ик композицилы аранжировка лэсьтэм.

И. Бродскийлэсь творчествозэ яратэ «избранной публика». Сое валан понна трос лыдӟиськыны, дышетскыны кулэ. Соин ик концертэ трос калык ӧз люкаськы.

Тани  артистъёс потӥзы сцена вылэ. Вылазы сьӧд дӥсьёс, ымныръёсазы мур малпаськон.

Шундыӝужан пал крезьгур улсын чузъяськыны кутско кылбуръёс. Кылӥське дуннелэн пумтэм-йылтэм луэмез сярысь малпан: «Мир остаётся вечным…»

Крезьгур дугдэ, кутске мукет визыл. Ненег шудэ фортепиано: «И счастлив тот, с которым тебе по пути». Но со дыре ик кутске дырекъяны виолончель, золгес но золгес… Стоп!

Ву. Чылкыт, мур, кыдёке нуись вулэн жильыртэмез кылӥське выль гуръёсын: «Туда, где море, туда, где глубже». И. Бродский туж яратӥз вуэз. Виолончель чайка кадь кесяське, пароходлэсь боз-боз куаразэ поттэ. Учкись азе гань-гань зарезь пуксе кадь. Но лыз-чагыр суредэз шуак быдтэ лек чур: «Рыбы встают поперёк горла…»

Виолончельлэн сиосыз золгес но золгес шудо, лирической герой но пумен золгес шугъяськыны кутске: «Кровь жителей моря холодней, В океане всё происходит вдруг». Крезьгур бӧрдэ, герой вера, кыӵе кусыпъёсыз яратоно муртэныз: «Я был только тем, чего ты касалась ладонью».

Б. Андрианов золтэ виолончельзэ, А. Смольянинов будэтэ куаразэ, омыр пӧсьгес но пӧсьгес луэ! И. Бродский пересьмон сярысь малпаськыны косэ кадь: «Переживи всех. Перевяжи узлы между добром и злом». Пересьмыса тон ӟечсэ уродэзлэсь тодманы-висъяны дышиськод, но, жаляса верано, егитъёс тонэ уг кылзо, соосты дышетыны котькӧня выр. Дыр ортче ӝог, дыр ву кадь бызе, воштӥське. «Кулон» тема ӵемгес но ӵемгес ортче поэтлэн творчествоез пыр: «Простимся до встреч в могиле». «Смерть придёт, у неё будут твои глаза».

Поэт трос малпаське ортчемез сярысь. Кышка, кинлэсь, улонысьтыз кыӵе адямиослэсь синъёссэс со адӟоз кулыкуз… Шуэ: «Время — волна, Пространство — кит». Инты ӧвӧл дыртэк, дыр — интытэк.

Улон тырмемын учыръёсын, адямиосын, малпанъёсын. И. Бродский бере мон валай, кӧня ужъёсты ӧй лэсьты на. Кулэ ӵемгес пумиськылыны ӵыжы-выжыосын, дышетыны соосты солы, мае ачим пӧрмытӥсько, но соослэсь ваньзэ умойзэ аслым басьтыны, кулэ яратыны котырысь инкуазез но шумпотыны солы, оло, соку валалом, малы милемлы сётӥське улон.

Анна Загумённова

Туспуктэм вотэсысь басьтэмын

Удмурт Дунне
By Удмурт Дунне Февраль 6, 2017 17:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<