Гурт удысъя но сиён-юонъя министерство бордын ужась кенеш кылдытэмын

Удмурт Дунне
By Удмурт Дунне 9 февраля, 2017 10:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Хозяйствоосын кивалтӥсьёс кенеше люкаськылӥзы ни. Татын ик огкылэ вуэмын: дунъяно ужась муртэ.

Консультативной  советэ шаерысьтымы азьмынӥсь 20 хозяйствоослэн кивалтӥсьёссы пыремын.

Хозяйствоосты азинтонъя куронъёс ялан вошъясько. Шонер-а вамыштӥськомы, рос-прос ужан вылысь эштосъёслы маин юрттыны кулэ — ваньзэ тае тодон понна ик кылдытэмын кенеш. Гурт удысъя но сиён-юонъя министр Александр Прохоров верамъя, гуртоослэсь мылкыдзэс тодытэк, оген трос уд лэсьты, визь-кенеш ноку ӧз люкеты на.

Хозяйствоосын кивалтӥсьёс кенеше люкаськылӥзы ни. Татын ик огкылэ вуэмын: дунъяно ужась муртэ. Кылсярысь, азьвыл субсидия сётӥське вал басьтэм кидыслы. Но басьтыны котькӧня тонна луэ ук, отӥяз сое складын возьыны, нош уксёзэ сиыны. Шонергес луоз юрттэтэз кизем бусыосъя висъяны. Та пумысен кивалтӥсьёс огкылэ вуизы. Туэысен картошка но бакча сиён будэтӥсьёслы секытгес луыны быгатоз: басьтэм кидыс понна юрттэт уз висъяськы шуыса вераськонъёс вань. Кенеше люкаськемъёс  малпало та юрттэтэз берыктыны. Со сяна, али субсидия висъяське Россиын поттэм комбайн, трактор, сеялка басьтӥсьёслы. Но таос сяна, йӧл кыскон тӥрлык, пудо сиён дасян техника кулэ на. Соин ик чакламын списокез паськытатыны.

Хозяйствоослэн кивал-тӥсьёссы ӵектэмъя ик будэтэмын фермеръёслы висъяськись грантлэн быдӟалаез. Озьы быдэс семьяен пудо вордӥсь фермер табере азинтӥськон вылысь басьтоз 10 миллион манет, нош егит фермер — 3 миллион.

Апреле ортчоно кенешын кивалтӥсьёс котькуд хозяйствоез эскерозы, макем пайдаен кутӥз басьтэм субсидиез, макем ӟеч пудо сиёнэз, макем умой урожай басьтэ. Соку адӟиськоз, кинлы кулэ юрттэт висъяны.

Елена Сараматова

Удмурт Дунне
By Удмурт Дунне 9 февраля, 2017 10:06 Updated