Депутат луыны дышетсконо пиналысен

Удмурт Дунне
By Удмурт Дунне 6 февраля, 2017 13:33
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмуртиысь Кун Кенеше 26-тӥ толшоре люкаськылӥзы шаерысьтымы Егитъёслэн парламентсылэн ужаз мыло-кыдо пыриськисьёс.

Ёросъёсысь егитъёс мылысь-кыдысь ужало.

 

Законъёсты валаны, кивалтӥсь ёзъёсын кусып тупатыны, ёросъёсын ужзэс радъяны соосты дышетӥзы Кун Кенешлэн аппаратаз тыршисьёс. Ужрадын быръемын вал шаерыысьтымы устоез Егитъёслэн парламентсы.

Егитъёслэн парламентъёссы куспын конкурс кылем гужем ялэмын вал. Отчы пыриськизы 11 ёросъёсысь егитъёс. Соос пӧлысь финалэ сюризы Можга, Глазов городъёслэн но Дэри ёросысь Егитъёслэн парламентъёссы. Ӵапак соос Кун Кенешын люкаськемъёсты ужан амалъёсынызы тодматӥзы.

Глазов городысь азьветлӥсьёс веразы, кыӵе ужъёс быгатӥзы радъяны кылем арын. Кылсярысь, соос 9-тӥ мае ортчылӥсь «Вунонтэм полк» акцие пыриськисьёслы песянай-песятайёссылэсь туспуктэмъёссэс пулъёсы юнматыны юрттӥзы. Егитъёсын арня куспын лэсьтӥзы 700 пала транспарантъёс, ваньзэ дунтэк. Озьы ик соос син азязы возё городэз жуг-жаглэсь чылкытатонэз. Городысь депутатъёсын кенешыса, Глазовын кылдытӥзы жуг-жагез нимаз октонъя контейнеръёс. Сюлмаськытэ егитъёслы улон сэрег висъянъя югдур. Глазовын «Егит семья» программа чотын коркаос ӧз ӝутӥське на, угось уг сюро та программа улсын пуктӥськыны соглаш кариськисьёс. Но кылем арын Егитъёслэн парламентсы кичӧлтэмъя городысь кивалтӥсьёс, егитъёс, лэсьтӥськисьёс котырес ӝӧк сьӧры пуксизы. Уж интыысьтыз вырӟоз, оско егитъёс.

Озьы устоез луиз Можгаысь Егитъёслэн парламентсы, соос бере мыно дэриос но глазовъёс.

Можгаысь егитъёс веразы, 13 дасям программаоссы пӧлысь 10-сэ улонэ пыӵатыны быгатӥзы шуыса. Соослэн кичӧлтэмзыя городын радъяськизы инкуазез утёнъя ужрадъёс, егитъёс анай-атайтэк кылем нылпиосын пумиськылӥзы, Быдӟым ожмаськонлы сӥзем аллея мерттӥзы, Кинолэн арез улсын паркын дунтэк кино возьматӥзы, соос сюлмаськемъя паркын «Мон яратӥсько Можгаез» синпелет кылдӥз.

Дэри ёросысь егитъёс калыкен трос ужазы. Кылем арын ортчем быръёнъёсы пыриськыны ёросысь егитъёсты ӝутказы. Соослы луыса данак егитъёс вуизы быръёнъёсъя участокъёсы. Озьы ик ёрос муниципал кылдытэтлэн йырыныз А. Коняшинэн меӵак телефон радъязы. Егитъёс мыло-кыдо пырисько ёрослэн улоназ, озьы 11-ез соос пӧлысь муниципал кылдытэтъёслэн депутатъёссы луо, одӥгез — ёрос Кенешлэн депутатэз.

Егитъёслэсь ужамзэс лыдэ басьтыса, дунъясьёс конкурслы йылпумъянъёс лэсьтӥзы. Озьы устоез луиз Можгаысь Егитъёслэн парламентсы, соос бере мыно дэриос но глазовъёс.

Вормисьёсты Кун Кенешлэн Троезлэн Владимир Невоструевлэн нимыныз ӟечкылаз Наукая, дышетонъя, культурая но егитъёсын ужан политикая ялан ужась комиссилэн кивалтӥсезлэн воштӥсез Ольга Черкасова. Со пусйиз егитъёслэсь мыло-кыдо ужамзэс. Бордазы итӥськыны куриз эшшо тросгес быгатӥсь егитъёсты.

Ангелина Снигирёва

Удмурт Дунне
By Удмурт Дунне 6 февраля, 2017 13:33 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<