Dart-лы — 6 ар

Удмурт Дунне
By Удмурт Дунне 13 февраля, 2017 12:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Нырысетӥ номер лыдӟись кие вуиз 2011-тӥ арын 26-тӥ толшоре.

«Удмурт дунне» газетлэн валтӥсь редакторез Зинаида Рябинина Dart газетлэн нырысетӥ номераз гожтэ: «Егитъёсын пумиськонъёс дыръя матысьгес эшъяськыны ӵектэммылы соос, шумпотэм гинэ ӧвӧл, юрттӥськыны дась луэмзы сярысь веразы: сётэ гинэ милемлы амал, ми ваньзэ лэсьтом!» Озьы кылдытэмын вал газет, кудзэ быдэсак лэсьто асьсэос егит авторъёс — гожъяськисьёс, суредаськисьёс, туспуктылӥсьёс но мукет усточиос.

Нырысетӥ авторъёс пӧлын — Дарали Лели, Алексей Шкляев, Ирина Зангарик, Муш Нади, Роман Казаковский но мукетъёсыз. Оглом, городын улӥсь удмуртъёс. Озьыен, нырысетӥ газетъёслэн бамъёсазы ми выйиськом городысь егитъёслэн улоназы.

Соку ик Dart газетэз электрон амалэн но лыдӟыны луиз. Егитъёс уго уло вотэсын. нош кӧня мылкыдъёс соку чузъяськизы! Кылсярысь, удмурт кылосбуръя факультетын дышетскись Вера Штыкова Dart-лэн 2-тӥ номерез сярысь гожтэ, ӟуч кылысь куд-ог берыктэм материалъёс шуген лыдӟисько, шонертэм интыям цитатаос урод адӟисько но туспуктэмъёс улын подписьёс ӧвӧл шуыса. Табере Вера ачиз редакциын ужа, газетлэн дизайнэз бордын тырше.

Dart газет луэ котыр ласянь усто маке. Со газет гинэ ӧвӧл ук! Dart — со быдэс огазеяськон выллем, кытын пӧртэм удысъёсысь егитъёс быгатонлыкъёссэс волято, асьсэлэсь ужъёссэс возьматыны быгато. Газет борды журналистъёс гинэ уг, писательёс но, суредаськисьёс но, киноен, книгаосын, модаен вырисьёс бинялско. Со сяна, Dart газет концертъёс но литературной ӝытъёс ортчытъя.

Ӧтиськом тӥледыз вамышъяны милемын ӵош! Ужъёстэс ысъяны бы-гатӥськоды dart.gazet@yandex.ru но udmdunne@yandex.ru  почта пыр.

 

 

Удмурт Дунне
By Удмурт Дунне 13 февраля, 2017 12:44 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<