Ческытсэ — ӵошен, курытсэ — оген

Удмурт Дунне
By Удмурт Дунне 17 февраля, 2017 14:28
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 

Зинаида Рябинина, валтӥсь редактор

Нош ик юзырес учыр — Балезино ёросысь следствиея отдел ивортэмъя, анай вож нунызэ быдтэмез понна (РФ-ысь УК-лэн 106-тӥ ст.) уголовной уж ӝутэмын.

Следствие ивортэмъя, техникумын дышетскись 17 аресъем нылмурт 13-тӥ феврале ӵукна огъяулонниысь комнатаын ас кожаз нуны вордэ, нырысь сое кекатэ, собере кӧня ке пол пуртэн ӵогъялтэ. Пиез шокамысь дугдэм бере сое жаг куян ведрае куштэ. Собере ачиз коридоре потэ, отысен жум нылмуртэз синйылтэ общежитиын ужась, эмчиосты ӧте.

Нылашез тодытэк, нырысь син азе малы ке пуксе солэн тусбуйыз: урод семьяысь, пиналысен калге, юэ… Но озьы чик но вылымтэ. Дышетскон интыысьтыз одӥгез кивалтӥсь вераз: нылаш ӟеч семьяысь, умой дышетске, асьмеос но паймемын, кызьы озьы луиз.

— Озьыен, кышказ семьяезлэсь данзэ саптаны? Куалектӥз  валамтэзылэсь?

— Ум тодӥське, но допрос дыръя нылаш верам, кӧто луэмез сярысь нокинлы ӧз ивортылы,  больницае учётэ ӧз султылы шуыса, малы ке шуоно кышкам…

— Нош кыӵе ке валэктон уж нуиське-а техникумын лушкем кусыпъёс пумысен но мар…

— Одно ик. Соин уката валантэм та учыр. Ми ӧтчаськом психологъёсты но, медикъёсты но, борддорын ик ошемын «Оскон телефонъёслэн» номеръёссы. Но кышкан укыр муре пыӵамын, шӧдске.

Законъя учконо ке, нылаш шимес йыруж лэсьтӥз. Но та учырын со мыным жаль потэ. Малы ке шуоно со огназ янгыш ӧвӧл! Озьыен, бордаз ӧвӧл одӥг но оскымон адямиез — кышказ тышкаськемзылэсь, возьдаськиз эшъёсызлэсь. Кызьы киыз ӝутскиз сьӧлыктэм нуныез виыны? Кин тодэ, кыӵе стрессын со вал но мар луэ йырвизьмын сыӵе дыръя? Кышкытгес мукетыз — таӵе учыръёс шаерамы толэзьлы быдэ сямен луо. Быдэ вуымтэос гинэ уг, семья кылдытэм адямиос но шузимо. Отысь валаны луэ — адямиос уг тодо кыл кутон сярысь, уло шор дауръёсы сямен. Нош таӵе йыруж понна лек кыл кутон чакламын — эрикез 5 арозь таланы луэ. Нош собере? Быгатоз на-а сыӵе нылкышно анай луыны?

 

Удмурт Дунне
By Удмурт Дунне 17 февраля, 2017 14:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<