Анай кыллэсь нуналзэ визьзэс сынаса пумитазы

Удмурт Дунне
By Удмурт Дунне Февраль 21, 2017 15:46
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дэри ёросысь Шор Постол школаын, Анай кыллэн калыккуспо нуналэзлы сӥзьыса, визь сынан ортчиз.

Дэри ёросысь Шор Постол школаын ортчиз визь сынан.

Та ужрадэ вуылӥзы Татарстанысь Агрыз ёросысь Сарсак-Омга но Пичи Пурга ёросысь Иваново-Самарск школаосысь пиналъёс. Соос анай кылзэс тодэмзэс возьматӥзы. Юанъёслы валэктэм сяна, удмуртысь ӟуче но ӟучысь удмуртэ берыктӥзы, командаен огкылысь ужаны дышетскизы. Тужгес но тунсыкоез вал  такмакъёслэсь тырмымтэ чуръёссэс будэтон но бӧрысь соосты сцена вылысен быдэстон.

Нылпиослэсь тодон-валанзэс но ужаны быгатэмзэс дунъязы Венгриысь Сегед университетысь аспирант Бартфаи Чаба, Будапешт университетысь аспирант Жофия Сираки, Удмурт кун университетысь Удмурт кылосбуръя, финно-угроведениея но журналистикая институтысь магистрант Мария Золотарёва но «Ӟечбур!» газетысь корреспондент Эльвира Симакова.

Пиналъёсын пумиськонэ кунгож сьӧрысь куноос буш киын ӧз лыктэ: ас шаерзы сярысь веразы, асьме дорын удмурт кылэз дышетэмзэс мадизы.

Ваньмыз визь погъёс ӟеч ужамзы понна таукаронъёсын пусъемын вал. Ужрадэз йылпумъяса, нылпиос но куноос валче туспуктэм лэсьтӥзы.

Мария Золотарёва 

 

 

Удмурт Дунне
By Удмурт Дунне Февраль 21, 2017 15:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<