15 процентэз гинэ

Удмурт Дунне
By Удмурт Дунне 7 февраля, 2017 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 

Правительстволэн Тӧроезлэн воштӥсез Сергей Токарев верамъя, гурт хозяйствоосын ужаны кутскем егитъёс пӧлысь но 10 процентэз берен городъёсы я райцентръёсы ужаны-улыны кошко на.

Ижысь гурт удысъя академиез йылпумъям специалистъёс пӧлысь ог 15 процентэз гинэ гуртэ берто.

Правительстволэн Тӧроезлэн воштӥсез Сергей Токарев верамъя, гурт хозяйствоосын ужаны кутскем егитъёс пӧлысь но 10 процентэз берен городъёсы я райцентръёсы ужаны-улыны кошко на. Таин валче шаерамы туж зол уг тырмо зоотехникъёс — ог 120 муртлы вакансия вань. Хозяйствоос 80 инженерез туннэ ик кутыны дасесь. Уг тырмо сомында ик механизаторъёс.

Югдурысь потон вылысь егит специалистъёслы висъяськись подъёмноез 2015-тӥ арысен 200 сюрс манетозь йылтӥзы. Но куд-огез уксёзэ басьтэ но пегӟе, хозяйстволы номырин юрттыса но уг вутты. Озьы медаз луы шуыса, табере подъёмнойысь 40 сюрс манетсэ специалистлы сётозы быдэс ар ужамез бере гинэ, кылемзэ — кыкетӥ арез ортчыса. Сергей Токарев верамъя, егитъёсты гуртэ кыскон вылысь подъёмноез эшшо но бадӟыматыны чакламын. Но уксёен гинэ секыт югдурез уд вырӟыты. Егит специалистъёсты гуртын возён понна хозяйствоослэн кивалтӥсьёссы но сюлмаськыны кулэ. Кылдытоно ӟеч улон условиос.  Квартира, спортобъектъёс, сюрес, нылпи сад, школа, магазин, фельдшер-акушер пункт вань дыръя уноез егитъёс подъёмнойтэк но гуртэ кылё ук. Соин шаерысьтымы зол хозяйствоосы сюрон вылысь черод люкаське.

Сергей Токарев верамъя, гуртъёсыз азинтон вылысь лэсьтэм проектъёсты  пыӵатон понна грантъёс люкылыны чакламын.

Елена Сараматова

Удмурт Дунне
By Удмурт Дунне 7 февраля, 2017 13:30 Updated