112 номер ужа Ижын

Удмурт Дунне
By Удмурт Дунне 27 февраля, 2017 16:05

Ижын эскеронъёс умой ортчизы ке, 112 номер борды шаерысьтымы мукет городъёс но ёросъёс итӥськозы.

21-тӥ феврале Ижевскын ужаны кутскиз шуге-леке шедем муртъёслы юрттэт сётонъя 112 номер.

Та номер эскерон вылысь вазенгес ик ужаны кутскиз ни вал. Отчы жингыртӥсьёс автоответчикез кылзылӥзы, бӧрысь ватсаса бичано луылӥзы 1, 2, 3 яке 4 номеръёсыз. Табере югдур умой пала воштӥськыны кулэ. Кылсярысь, сюрес вылын бадӟым шуккиськон учыр дыръя ивор соку ик вуоз тылпулэсь утисьёс дӥне, «скоройын» но полициын ужасьёс доры. Туннэ нуналлы 112 номере жингыртыны луэ «Мегафон» но «Теле 2» операторъёслэн номеръёсысьтызы. Азьланяз соос борды итэмын луозы «Билайн», «МТС»  но «Ростелекомлэн» стационарной номеръёсыз.

Ижын эскеронъёс умой ортчизы ке, 112 номер борды шаерысьтымы мукет городъёс но ёросъёс итӥськозы.

УД

Туспуктэм: 30.MCHS.GOV.RU

Удмурт Дунне
By Удмурт Дунне 27 февраля, 2017 16:05