Ӟечезлы оскон йылэ

Удмурт Дунне
By Удмурт Дунне 2 февраля, 2017 11:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Журналистъёсын пумиськылӥз Правительстволэн Тӧроезлэн воштӥсез Сергей Фефилов.

Дышетӥсьёс, кылсярысь, басьто элькунамы шоро-куспо уждун мында — таӵе курон пуктэмын май указъёсъя.

Уждун йылоз

Кивалтӥсь верамъя, кылем арын август толэзьысен калыклэн улон-вылонэз выльысь умой пала берытскыны кутскиз, уждунъёс йылыны ӧдъязы. Таӵеез берло 2 но ӝыны ар ӵоже ӧй вал ни. Озьы 2016-тӥ арын шаерамы улӥсьёслэн доходзы оглом 1,1 процентлы йылӥз. Бен, со инфляцилэсь ичигес на. Но оскон вань, туэ югдур эшшо ӟечгес луоз шуыса.

— В. Путинлэсь 2018-тӥ арозь чаклам май указъёссэ быдэстонлы трос дыр ӧз кыльы ни, — вераз Сергей Самонович. — Асьме элькунысь бюджет удысын ужасьёслы уждун тырон урод радъямын ӧй вал. Дышетӥсьёс, кылсярысь, басьто элькунамы шоро-куспо уждун мында — таӵе курон пуктэмын май указъёсъя. Сомында ик басьтыны кулэ культура удысын ужасьёс. Кык поллы тросгес — эмъясьёс…

Ужъя но миграция политикая министерство али ӵапак эскере, кыӵе удысъёсын   уждун май указъёсын пусъем сярысь  пичигес на. Кытын ке ӧжытгес ке, соослы одно ватсалозы. Но али тыро-пыдо вераны вазь, кыӵе вакытысен, кӧнялы со будэтэмын луоз.

— Бюджет удысын ужасьёс пӧлысь 43 процентэз шедемын ик ӧвӧл май указъёсы, — ватсаз Правительстволэн Тӧроезлэн воштӥсез. — Соосты озьы ик вунэтыны уг яра, инфляция будэмъя уждунзэс йылэтоно.

Бюджет удысын ужасьёслы уждун тыронэн ӝеганъёс элькунамы ӧвӧл, пе. Но жаляса верано, кунлэн луисьтэм куд-ог предприятиосын таӵе учыръёс пусъемын. Тужгес трос тыронъёс люкаськемын Глазовысь Лэсьтӥськонъя Чепца управлениын ужасьёслы — 445 муртлы 27,4 миллион манет — но Ижысь Гуманитарной технологиосъя Кам институтын ужасьёслы — 82 муртлы 2,8 миллион манет. Югдурез Правительство чакласа возе.

Конвертэн уксё тырисьёсын кун озьы ик нюръяськыны кутскиз. 2016-тӥ арын элькунмы азе ужпум пуктэмын вал: ватэм уждун басьтӥсь 60 сюрс муртэ ке но шараяно. Та курон быдэстэмын. Муниципалитетъёс но та бордын ужаны кутскизы,  угось валазы, уждунысь кылись подоходной налог люкаське интыосысь бюджетъёсы.

— Уже интыян удысын югдур озьы ик огсыр, — шуиз Сергей Самонович. — 2015-тӥ арен ӵошатыса, кылем арын ужтэк кылемъёслэн лыдзы 5,32 процентлы кулэсмиз. Уже интыянъя центръёсын али пусйиськемын 9 сюрс 300 пала адями, со 1,14 процент.

Тужгес трос ужтэк кылемъёс Камбарка палъёсын. Ужтэк пукисьёслэн лыдзы ар ӵоже шӧдскымон кулэсмиз Кез (33 процентлы) но Яр (24 процентлы) ёросъёсын.

Уж луоз

Россия курон пуктэ: инвалидъёс пӧлысь 40 процентэзлы ке но ужан интыос кылдытоно.

Правительстволэн Тӧ-роезлэн воштӥсез С. Фефилов верамъя, та ужпумез быдэстон вылысь элькунамы эшшо ог 5 сюрс инвалидэз уже интыяно. Али тырше ог 25 процентэз гинэ — 8 сюрс 842 мурт. Нош ужаны быгатысал 35 сюрс 572-ез.

Уже интыянъя служба ивортэмъя, кылем арын, уж юаса, 1 сюрс 561 инвалид вазиськиз вал. Со пӧлысь 739-эзлэсь куронзэс быдэстыны луиз. Туннэ нуналлы уже интыянъя службаын учётын сылэ 637 сӧсыр адями.

— Уж ӵектэмлэсь азьло нырысь ик соослы уже мыныны-бертыны луонлыкъёс кылдытоно, — пусйиз Сергей Самонович. — Та ужпумез быдэстон вылысь элькунамы «Доступная среда» программа юнматэмын. Озьы кун учреждениос азе али лэсьтӥськом пандусъёс, сюрес вамен пуктылӥськом «вераськись» светофоръёс но мукет.  2016-тӥ арын талы 80 миллион манет висъямын вал.

Сомында ик коньдон чакламын туэлы но. Но кивалтӥсь верамъя, туэысен, пе, инвалидъёс асьсэос вералозы, мар соослы кулэгес. Оло, куд-ог кун учреждениос азе пандусъёс чик но кулэ ӧвӧл, шуом, сыӵе районъёсын, кытын инвалидъёс одӥг-кык гинэ. Нош шыръям коньдонэз мукет интые кутыны луысал, кылсярысь, инвалидъёсты нуыны-вайыны чаклам транспорт басьтонлы но мукет.

Элькунамы 114 сюрс 200 инвалид лыдъяське — шаерамы улӥсьёс пӧлысь 7 процентэз. Арлы быдэ ог 11 сюрс муртлы инвалидность сётӥське.

Элина Кумачёва

Удмурт Дунне
By Удмурт Дунне 2 февраля, 2017 11:26 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<