Зинаида Рябинина: Иворчиослы — шаплы пыдъёс но лэчыт визь, лыдӟисьёслы — ӟеч иворъёс!

Удмурт Дунне
By Удмурт Дунне 13 января, 2017 14:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 

Зинаида Рябинина, валтӥсь редактор

Вылысьтыз вылаз праздникъёсын йырин, лэся, асьмелэсь удыс  праздникмес  — Печатьлэсь нуналзэ — пусйыны  мылкыдмы  туж ик уг сузьы ни. Мукет ласянь, туж ӟеч — уже выльдӥськонъёсты-воштӥськонъёсты пыӵатыны арез мытыку каньылгес.

Куд-огез, газетъёс трос пӧясько шуыса, соосты уг лыдӟо. «Удмурт дунне» араз пырак одӥг пол гинэ пӧяське — 1-тӥ апреле. Но кызьы! Пӧечи иворъёсмылы профессоръёс но оско. Со гинэ мар — куд-ог шоккетонъёсмы быдэсмо! Кин малпаз вал, дасо ар талэсь азьвыл, газет Кирове выже шуыса пӧяськыку,  со зэмалоз шуыса? Уд оскиське? Учке берпуметӥ баммес — отын  самой улӥяз гожтэмын, кытын потэ газет: Киров город, ул. Мостовая, 32/17. 1915-тӥ арын ӵапак Кировын (со вакытэ Вяткаын) потыны кутскиз вал удмурт газет! Печатласькиз губернской земстволэн типографияз.

Кин малпасал, сю ар ортчыса, газетэз улон нош ик отчы вуттоз шуыса? Но туннэ тӥ кияды возиськоды Кировын печатлам экземплярез. Но эн куалектэ — редакция ужа азьло интыяз ик — Ижын, соин ик ми котьку тӥледын артэ. Воштӥм типографимес гинэ, угось туала вакытэ  коньдон шыръян амалъёс утчатэк уг луы. Нош Ижысь полиграфистъёслэн кӧтсы малы ке шӧдскымон бадӟымгес. Ум тодӥське, кызьы  луоз азьланяз, но со газетлэн ӟечлыкез вылын нокызьы но уз шӧдӥськы. Мыным жаль одӥгез — асьме элькун бюджетысь коньдон табере кошкоз бускель улосэ…

Нош али ми чидатэк возьмаськом ни  1-тӥ апрелез. Соку мон, кылсярысь, гожто: асьмеос но ум валаське, но кыӵе ке муген газетмылэн тиражез кык поллы йылӥз! Но кышкытлык вань — быдэсмыны быгатоз (зэм, сю ар талэсь азьло лыдпусъёсын ӵошатыса…). Соин ик маке мукет малпано луоз. Нош али милям вань сюлмысьтымы тау кареммы потэ туэлы гожтӥськем 3 сюрс 700 адямилы. Вань удмурт семьяослэсь лыдзэс но туэлы гожтӥськон дунэз (со ог 300 манетлы кулэстэмын вал) чакласа — ӧжыт… (Учке 22-тӥ бамысь суредэз). Но, почтаос верамъя, шаерамы потӥсь вань газет-журналъёс пӧлысь со тужгес бадӟымез тираж. Оскиськом, вуоно толэзьёсысен со эшшо ӧжытак будоз на, угось арлы быдэ сюро бере кылемъёс. Эн кайгыре — газетлы гожтӥськыны луэ котькуд толэзьысен! Ижын улӥсьёс газетлэсь котькуд номерзэ  дунтэмгес дунын басьтыны быгатозы редакциысь.

Нош Печатьлэн нуналэныз ӟечкыласа, асьме ужасьёслы но вань мукет иворчиослы сӥзем потэ шаплы пыдъёс но лэчыт визь, лыдӟисьёслы — тросгес  ӟеч иворъёс!

Удмурт Дунне
By Удмурт Дунне 13 января, 2017 14:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<