Вожояськон вакыт

Удмурт Дунне
By Удмурт Дунне 13 января, 2017 13:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ужрадлэн берпуметӥ люкетэз шур дурын ортчоз. Вожоез келямзы бере ваньзы тубозы но тылскем дорын чылкытатӥськозы, пӧртмаськон дӥськутсэс кыльыса, ог-огзылы ымнырзэс возьматозы. Бадӟым ужрад «Ум люкиське» кырӟанэн йылпумъяськоз.

Ӵуказе, 14-тӥ январе, «Лудорвай» музей-заповедникын нырысьсэ ортчоз калык йылол-сямъёсты тодэ ваёнъя «Вожодыр» шулдыръяськон. Отын луоз тунаськонъёс, шудонъёс.

Люкаськем калыклы шулдыр мылкыд кузьмалозы Пичи Пурга ёросысь Выль Мӧнья гуртысь «Выль ӟардон», Пичи Бӧдья гуртысь «Ӟардон», Дэри ёросысь Шор Постол гуртысь «Уӵыос», Изгуртысь «Марӟан гуръёс» коллективъёс. Музейын-заповедникын ужась ужась Елена Келарева ивортэмъя, ужрадэ лыктэмъёс понна пӧртэм площадкаос ужалозы. Кылсярысь, шулдыръяськыны яратӥсьёс люкаськозы «Вожо шудонъёсы»: кырӟалозы-вералозы, визьзэс сыналозы, мугорзэс кыдатозы, удмурт пӧраськемъёсты шӧмъялозы, пыр-поч тодматозы вожояськон вакытлэн йылол-сямъёсыныз.

Покчи нылпиосты люкалозы Лыдӟиськон юртэ. Соосын нянечкаос пукозы. Тужгес тунсыкоез луоз музей-заповедникысь Волостной управленилэн юртаз. Отын пукозы туно-пелёос: Мария Толстухина, «Битва эсктрасенсов» вожвылъяськонэ пыриськем мурт Ирина Богданова но Пичи Пурга ёросысь кышномурт.

Ужрадлэн берпуметӥ люкетэз шур дурын ортчоз. Вожоез келямзы бере ваньзы тубозы но тылскем дорын чылкытатӥськозы, пӧртмаськон дӥськутсэс кыльыса, ог-огзылы ымнырзэс возьматозы. Бадӟым ужрад «Ум люкиське» кырӟанэн йылпумъяськоз.

Пусйыны кулэ, «Вожодыр» шулдыръяськонэ лыктӥсьёс пӧртмаськисьёслы пӧрмытскемын ке, ужрадэ дунтэк шедьыны быгатозы. Нош вань мукетъёс понна пырон дун 100 манет. Ижын улӥсьёс понна нимысьтыз автобусъёс висъямын. Соос сылоз Ӟуч но Удмурт театръёс вискын, Оружейникъёслэн площадязы. Лудорвае автобусъёс вырӟозы 11 часын. Сюреслэн огпала мынон дуныз 50 манет.

Валентина Емельянова

Удмурт Дунне
By Удмурт Дунне 13 января, 2017 13:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<