Ваньмыз потэ адями бордысь

Удмурт Дунне
By Удмурт Дунне 28 января, 2017 08:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Татьяна Ишматова, «Удмурт Кенеш» огазеяськонлэн тӧроез

Асьмеос шумпотыса вераськом калыкмылэн ортчем даурысь азьветлӥсьёсыз сярысь: К. Герд, Т. Борисов, А. Оки, Э. Батуев… Но таин гинэ буйгатсконо ӧвӧл. Туннэ нуналлы но яркыт азьветлӥсьёсмы луыны кулэ.

Удмурт калыклэсь сюлмаськонъёссэ сюлэм пыртӥз поттӥсь азьветлӥсьёсты будэтыны луэ удмурт общественной огазеяськонъёс пыр. «Удмурт Кенеш» огазеяськон тае туж ӟеч вала, кадръёсты будэтон сярысь сюлмаське. Али чаклано ке, асьмелэн Кун Думаысь депутатъёсмы пӧлын вань удмурт адями, ёросъёсысь Депутат Кенешъёсын но асьме выжыысь потэмъёс ӧжыт ӧвӧл. Туэ ортчозы Кун Кенеше быръёнъёс. Оскисько, шаерысьтымы парламентын удмуртъёс ӧжыт уз луэ. Но со понна асьмелы сюлмысь ужано луоз.

«Удмурт Кенеш» огазеяськон али умой-умой басьтӥське удмурт кадръёсты будэтонлы сӥзем программа дасян борды. Со вылэ пыкиськыса, асьме адямиосты республикаысьтымы кадръёсъя резерве но пыртыны луысал. Соосты ми пӧртэм министерствоосы, ведомствоосы ӵектыны быгатысалмы.

Саклык висъяно творчество удыслы но. Тани Удмурт театрлы егит артистъёсты дасян понна кӧня ке ар талэсь азьло нимысьтыз конкурс радъяськиз, тужгес устоосыз Москваысь театральной училищеын дышетскизы. Туннэ нуналлы соос учкисьёсты шумпотто ни. Та выллем ужъёсты вырӟытыны быгатысалмы ке, туж умой вылэм. Кадръёсын ужаммы бадӟым юрттэт луысал ёросъёслы но, каръёслы но. Та ужпумъёсты ӝутыны чакласьком «Удмурт Кенешлэн» матэктӥсь исполкомаз.   Угось историез тодэ ваёно ке, Кузебай Герд но удмурт калыклэн тужгес яркыт кизилиез луиз Трокай Борисовлы луыса, солэн дышетэмезъя, оскемезъя.

Мон малпасько, туала улонын но Гердъёс, Окиос, Батуевъёс вань. Ваньмыз потэ адями бордысь. Умой кивалтӥсь куашкам колхозэз но ӝутоз, школалэн директорез зэмос азьветлӥсьёслы сюрес усьтоз. Ӵуказе нуналмес туннэ лэсьтоно. Кутскыны гинэ кулэ…

Удмурт Дунне
By Удмурт Дунне 28 января, 2017 08:30