«Огъя Россия» партилэн съездаз пыриськиз элькунысьтымы делегация

Удмурт Дунне
By Удмурт Дунне 27 января, 2017 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Кенешлэн Тќроез В. Невоструев «Огъя Россия» партилэн съездаз.

Кивалтӥз соин Удмуртилэн Тӧроез Александр Соловьев.

Делегацие озьы ик пыремын вал Кун Кенешлэн Тӧроез, «Огъя Россия» партилэн Удмурт ёзэзлэн секретарез Владимир Невоструев, Кун Кенешлэн Тӧроезлэн нырысетӥ воштӥсез, «Огъя Россия» партилэн Тӧроезлэн Удмуртиысь приёмноеныз кивалтӥсь Светлана Кривилёва, Кун Кенешысь «Огъя Россия» партилэн фракциеныз кивалтӥсь Алексей Прасолов но мукетъёс.

Кызьы ивортӥз «Огъя Россия» партилэн Удмуртиысь ёзэзлэн пресс-службаез,  асьме кивалтӥсьёс съездысь 7-аз ик площадкаослэн ужазы пыриськизы.

— Берло 5 ар ӵоже «Огъя Россия» партия туж трос лэсьтӥз ни калыклэсь улон-вылонзэ ӟечомытон понна, — съездлы йылпумъянъёс лэсьтыса, журналистъёслы вераз Удмуртилэн Тӧроез А. Соловьев. — Туннэ со кунысьтымы одӥгез йыгмытэз, азьмынӥсез партия луэ. Партилэн Генеральной Советаз быръемын Удмуртилэсь 2 мурт: Кун Думалэн депутатэз Андрей Исаев но Алнаш ёросысь Депутатъёслэн Кенешенызы кивалтӥсь Виктор Бобров. Талэсь азьло отын вал Юкаменск ёрослэн йырыз Борис Востриков. А. Исаевен В. Бобров но озьы ик синмаськымон ужалозы, оскиськом.

Кун Кенешлэн Тӧроез Владимир Невоструев вуылэм 7 площадкаосы ик.

— Партийной проектъёслэн быдэсъяськемзы сярысь кылэме потӥз, — шуиз Владимир Петрович. — Зэмзэ но, азинсконъёс вань котькуд удысын. Туж умой, коррупция сярысь закон чурыт каремын шуыса. Уката чакласа возиськом сиёнъёслэсь, кудӟытӥсь юонъёслэсь ӟечлыксэс. Но азьланьын быдэстоно ужпумъёс но ӧжыт ӧвӧл. Кутскиськом ни туэ сентябре Кун Кенеше ортчоно быръёнъёслы дасяськыны. Ужалом «Огъя Россия» партилэсь программазэ дасян бордын. Адӟем кароно, малпасько, Кун Думалэсь, дисциплинаез юнматон борды отын туж зол кутскизы.

 

Удмурт Дунне
By Удмурт Дунне 27 января, 2017 13:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<