«Удмурт шаер» клубын куноын Нина Ермолаева

Удмурт Дунне
By Удмурт Дунне 16 января, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Нина Ермолаева поттӥз «Кузебай Герд. Посмертная маска» книга.

17-тӥ толшоре 17.00 часын Йӧскалык библиотекаын (Удмурт урам, 264-тӥ юрт) ортчоз «Удмурт шаер» клублэн пумиськонэз. Таяз радэ куное ӧтемын Нина Георгиевна Ермолаева – журналист, редактор, публицист, кылысь кылэ берыктӥсь, Удмурт Элькунысь дано журналист, Россиысь Журналистъёслэн союззылэн ёзчиез.

Та пумиськон Йӧскалык библиотекалэн К. Гердлы сӥзем ужрадъёс пӧлы пыре. Нина Ермолаева поттӥз «Кузебай Герд. Посмертная маска» книга, отчы пыремын Алексей Ермолаевен шедьтэм Кузебай Гердлэн текстъёсыз, книгаосын азьвыл печатламтэ кылбуръёсыз но мукет тунсыко критической ужъёс.

Нина Ермолаева – теле-, радиопередачаосты кылдытӥсь, публицистической статьяослэн но книгаослэн авторзы луэм сяна, удмурт прозаез ӟуч кылэ берыктылӥз.  Писательлэсь вань печатлам ужъёссэ адӟыны луоз пумиськон дыръя радъям адӟытонын. Соос пӧлын ӟуч но удмурт книгаос («Море бывает всякое», «Нюша, Павлуша и Я», «Натӥ, Пави но мон»), гурт удысын тыршисьёс, кибашлы муртъёс сярысь очеркъёсын книгаос («Разноцветные встречи», «Ложится на душу узор», «Притяжение земли», «Одоление», «Биография успеха», «Вокруг молока»), берыктэм ужъёсыз (В. Садовниковлэн «Туганай но Зара», Е. Самсоновлэн «Арама кузя», П. Блиновлэн «Улэм потэ», М. Петровлэн «Ӟардон азьын» ӟуч кылэ берыктэм книгаоссы), тодэ ваёнъёс («Алексей Ермолаев, известный и незнаемый», «Плачет душа») Н. Г. Ермолаеваен люкам но дасям бичетъёс («Десять выдающихся имен удмуртской литературы», «Кузебай Герд. Посмертная маска», «Об удмуртской литературе», «Удмурт литература но сое кылдытӥсьёс»).

Нина Георгиевна Ермолаева вордӥськиз Иваново улосвылысь Шуя карын. Йылпумъяз МГУ-ысь журналистикая факультетэз. 1958–1965-тӥ аръёсы Удмурт книгапоттонниын гурт удысъя литература понна кылкутӥз, 1966-тӥ–1970-тӥ аръёсы ужаз телевидениын.

Пумиськонэ ӧтемын Удмурт кун университетысь дышетӥсьёс но студентъёс, журналистъёс, писательёс, «Удмуртия» книгапоттонниын ужасьёс.

Йӧскалык библиотекалэн пресс-службаез

Удмурт Дунне
By Удмурт Дунне 16 января, 2017 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<