Удмурт литератураын выль ним — Эгра ёросысь Алексей Данилов

Удмурт Дунне
By Удмурт Дунне 23 января, 2017 16:20

2015-тӥ арын Эгра каргуртлы 400 ар тырмон дыръя «Игра в сердце моём» кылбурез нырысетӥ инты басьтӥз. Туэ кырӟанэз чузъяськиз «Куарагур» проектын.

Эгра каргуртысь Кедра Митрей нимо ёрос библиотекаын Алексей Даниловлэн «Своей строкой, своей дорогой…» кылбур бичетэныз (12+) тодматскон ортчиз. 

Порвай гуртын вордскем но Сундурын улӥсь Алексей Данилов пиналысен кылбур гожъян борды басьтӥськиз. Удмурт кылэз школаын ӧз дышеты ке но, нырысетӥ чуръёссэ анай кылыныз гожтӥз. Берло ини ӟуч кылын гожъяськонэ выжиз. Кылбуръёсыз сӥземын инкуазьлы, ӵош дышетскем эшъёсызлы, вордскем дорезлы, Ижевск-Балезино чугун сюрес лэсьтонэ пыриськемъёслы, семьяезлы, яратонлы. Бичетэ 50 мында кылбуръёс пыремын.

Тросэз кылбуръёсыз кырӟанлы пӧрмемын. Аслаз ужъёсыныз ёросын но шаерын ортчылӥсь конкурсъёсы пыриське. 2015-тӥ арын Эгра каргуртлы 400 ар тырмон дыръя «Игра в сердце моём» кылбурез нырысетӥ инты басьтӥз. Туэ кырӟанэз чузъяськиз «Куарагур» проектын. «Пинал дырысьтым» кылбурезъя кырӟан «Элькуновидение-2016» ӵошатсконын 2-тӥ инты басьтӥз. Сое кырӟаз Зура черкогуртысь Владимир Князев.

Кылбур бичетэн тодматсконэ вуылӥзы Эграысь 1 номеро школаын дышетскисьёс, дышетӥсьёс, ӵош дышетскем эшъёсыз, ёросысь кылбурчиос, гожъяськисьёс, ӵыжы-выжыосыз. Алексей Даниловез ӟечкылазы Сундур муниципал кылдытэтлэн йырыз Николай Сунцов, «Удмурт Кенеш» огазеяськонлэн Эгра ёросысь ёзэныз кивалтӥсь Татьяна Мосова, ёрос библиотекаен кивалтӥсь Лариса Мягкова но мукетъёсыз. Ужрадэ люкаськемъёслы шуныт мылкыд кузьмазы Сундурысь культурая юртын ужасьёс но ачиз автор, кырӟанъёс быдэстыса.

Валентина Кутузова

Туспуктэм: igra.udmurt.ru

Удмурт Дунне
By Удмурт Дунне 23 января, 2017 16:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<