Удмурт кылэз дышетэ… баӵко

Удмурт Дунне
By Удмурт Дунне Январь 27, 2017 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кытын ке вань на ке анай кылэз дышетыны мылкыд карисьёс, курсъёсты радъяны куронэн доразы вазиськыны луоз 1-тӥ февралёзь.

Элькунысьтымы городъёсын но ёросъёсын Выль ар азьын удмурт кылэз дышетонъя 17 площадкаос ужазы. Туэ соос тросгес луыны быгатозы.

Таӵе курсъёсты радъяны курыса, кылсярысь, вазиськизы ни Кияса но Сюмси черкогуртъёсын улӥсьёс. Отчы ветлыны мылкыд карисьёсын списокъёсты али люкало. Нош Нациосын ужан политикая министерство тодамы вайытэ: кытын ке вань на ке анай кылэз дышетыны мылкыд карисьёс, курсъёсты радъяны куронэн доразы вазиськыны луоз 1-тӥ февралёзь.

— Нырысетӥосыз таӵе курсъёс радъямын вал 2008-тӥ арын Ижысь гурт хозяйствоя академилэн огъяулоннияз,  — тодаз вае «Выжы» огазеяськонэн кивалтӥсь, удмурт кылъя курсъёсты радъясь Ангелина Решетникова. — Бӧрысьгес, Ижын сяна, соос кылдӥзы городъёсын, нош табере паськыт вӧлмо ни ёрос центръёсын но. Выль ар азьын ужам группаос пӧлысь 8-эз шоркарын радъямын вал, 9-эз — ёросъёсын. Котькудаз  группае ог 15 адями ветлӥз.

Анай кылэз дышетыны мылкыд карисьёс пӧлын вань егитъёс но, мӧйыос но, воргоронъёс но, нылкышноос но. Соослэн ужан интыоссы но пӧртэмесь. Ёросъёсын тросгес ветло муниципал кылдытэтъёсысь специалистъёс. Таос сьӧры кыстӥсько ни мукетъёсыз но.

— Вавожын, кылсярысь, курсъёсы ветлӥз  священник но, — пусйиз Ангелина Ефремовна. — Отысь улӥсьёс веразы ни: священниксы службазэ удмурт кылын кутске ке, тросэз, шумпотэменызы пушсы тырыса, синвуасько.

Удмурт курсъёсты нуись дышетӥсьёслэн  ӟеч командазы кылдытэмын. Соос ог-огзылы юрттӥсько, огъя кыткетын тыршо. Нырысетӥ курсъёсты радъяз вал «Выжы» огазеяськон, нош бордаз кемалась итӥськизы ни Нациосын ужан политикая министерство но «Удмурт Кенеш» огазеяськон.

Элина Васильева

Удмурт Дунне
By Удмурт Дунне Январь 27, 2017 16:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<